दक्षिण कोरियाच्या नवनिर्वाचित राष्ट्राध्यक्षांचे चीनने अभिनंदन केले आहे. मात्र हा निवडणूक निकाल चीनसाठी धक्कादायक असल्याची सर्वत्र चर्चा आहे. नवनिर्वाचित अध्यक्ष युन सुक-यिओल हे अमेरिकेचे समर्थक असल्याचे लोकांचे मत आहे. आधीचे राष्ट्राध्यक्ष मूंग जे-इन यांनी अमेरिका आणि चीन यांच्यात समतोल साधण्याचा प्रयत्न केला होता.

निवडून आलेले राष्ट्राध्यक्ष युन यांनी म्हटले आहे की ते अमेरिका आणि जपानसोबत (Japan) दक्षिण कोरियाचे संबंध अधिक दृढ करतील. युन यांनी उत्तर कोरियाला त्यांची अण्वस्त्रे नष्ट करण्याची मागणी करणार असल्याचे त्यांनी म्हटले आहे.

राजकीय विश्लेषकांचा अंदाज आहे की, जर दक्षिण कोरियाने (South Korea) चीनविरोधात (China) कठोर भूमिका घेतली तर त्याचे गंभीर आर्थिक परिणाम होऊ शकतात. अनेक विश्लेषक युन यांचे 'दक्षिण कोरियाचे ट्रम्प' असे वर्णन करतात. समाजात ध्रुवीकरण निर्माण करण्याच्या त्यांच्या रणनीतीमुळे देशातील अनेक लोक चिंतेत आहेत. दक्षिण कोरियातील अनेक वृत्तपत्रांनी आता युन यांना आवाहन केले आहे की त्यांनी प्रचाराची वृत्ती सोडून देशाला एकत्र आणण्याचा प्रयत्न करावा. Chosun Aibo या वृत्तपत्राने लिहिले आहे - युनने विभाजित देशाला एकत्र आणण्याचा मार्ग अवलंबला तर ज्यांनी त्यांना मत दिले नाही ते देखील त्यांची प्रशंसा करतील.