China: चीनच्या चांगशा शहरात एका बहुमजली इमारतीला भीषण आग लागली आहे. चीनच्या सरकारी मीडियाने ही माहिती दिली आहे. मृतांचा आकडा अद्याप कळू शकलेला नाही, असेही सांगण्यात आले आहे. सीसीटीव्हीने सांगितले की, "आगीच्या ठिकाणाहून मोठ्या प्रमाणात धूर निघत आहे. आगीमुळे अनेक मॉल जळत आहेत." अग्निशमन दलाच्या जवानांनी आग विझवण्यास सुरुवात केली असून मदत आणि बचाव कार्य सुरु असल्याचे सांगण्यात येत आहे.

दरम्यान, लोकांची घरे आणि कार्यालये दोन्ही गगनचुंबी इमारतीत असल्याचे सांगण्यात येत आहे. चीनच्या (China) सरकारी मालकीच्या दूरसंचार कंपनी चायना टेलिकॉमची ही इमारत आहे.

दुसरीकडे, सीसीटीव्हीने प्रसिद्ध केलेल्या फोटोमध्ये शहराच्या मध्यभागी असलेल्या इमारतीतून धूर निघत आहे. काळ्या धूराचे लोट व्हिडीओमध्ये स्पष्ट दिसत आहेत.