चीनच्या सिचुआन प्रांताच्या पश्चिमेकडील डोंगराळ भागात आज म्हणजेच सोमवारी 6.8 तीव्रतेचा भूकंप झाला आहे. अशी माहिती चीनच्या AFP ने USGS (United States Geological Survey) नेटवर्क केंद्राने दिली आहे.

सिचुआन प्रांतातील कांगडिंग शहराच्या आग्नेयेला सुमारे 43 किलोमीटर (26 मैल) 10 किलोमीटर खोलीवर भूकंप झाला, असे यूएस भूगर्भीय सर्वेक्षणाने म्हटले आहे. सिचुआनची राजधानी चेंगडूच्या नैऋत्येस सुमारे 180 किमी (111 मैल) अंतरावर याचे धक्के जाणवले आहेत. केंद्राने सांगितले की, भूकंपाचे केंद्र लुडिंग शहरात 16 किलोमीटर खोलीवर होते. चांगशा आणि शियानसारख्या दूरच्या नेटिझन्सनी सांगितले की त्यांना सिचुआनमधील भूकंपाचे धक्के जाणवले.

काही मिनिटांनंतर, केंद्रानुसार लुडिंगजवळील यान शहराला 4.2 तीव्रतेचा दुसरा भूकंप बसला. आतापर्यंत कोणतीही जीवितहानी झाल्याचे वृत्त नाही. 2013 मध्ये, यानला जोरदार भूकंपाचा धक्का बसला, 100 हून अधिक लोक ठार झाले आणि हजारो जखमी झाले होते.