Lockdown in China : जगाच्या पाठीवर दोन देशांच्यामध्ये भयानक युद्ध पेटलं असल्याने कोरोना कडे कोणाचे लक्ष नाही. पण चीनमधील कोरोनाच्या बातमीमुळे अनेकांच्या मनात पुन्हा धडकी भरली असून अनेकांनी पुन्हा लॉकडाऊन होणार की काय असे प्रश्न पडले आहेत. (lock down in china's tech hub Shenzhen)

जगभरात (World Corona Update) कोरोनाबाधितांच्या संख्येत झपाट्यानं वाढ होत असून गेल्या 24 तासांत जगात 13 लाखांहून अधिक रुग्णांची नोंद झाली आहे. तर 3579 बाधीत रूग्णांचा मृत्यू झाला आहे. तर एकट्या चीनमध्ये 3100 रुग्णांची नोंद झाली आहे. जी गेल्या 2 वर्षांतील सर्वाधीक असून खबरदारी म्हणून चीनच्या शेनजेनमध्ये लॉकडाऊन करण्यात आला आहे. त्यामुळे या शहरातील तब्बल 1,70,00,000 नागरिकांना घरामध्ये राहण्याचे आदेश देण्यात आले आहे. तसेच शांघाईमधील (Shanghai) शाळा ही बंद ठेवण्याचे आदेश प्रशासनाकडून देण्यात आले आहेत.

दरम्यान चीनच्या शेनजेनमध्ये लॉकडाऊन करण्यात आल्यानंतर चीनच्या (China) जिलीन प्रांताची राजधानी चांगचुनमध्येही लॉकडाऊनची घोषणा करण्यात आली आहे. शेडोंगमधील युचेंगला ही लॉकडाऊनचे (lockdown) आदेश देण्यात आले होते. तर सध्या चीनच्या तीन शहरांमध्ये लॉकडाऊन करण्यात आला असून तीन्ही शहरातील नागरिकांना अलर्टवर राहण्याचे आदेश देण्यात आले आहेत.

हांगकांग शहरात 87 नागरिकांचा मृत्यू

चीनमधील शेनझेन शहर हे हाँगकाँगला लागून आहे. हाँगकाँगमध्ये कोरोनाबाधितांची संख्या सर्वात जास्त असून येथे 27,647 कोरोनाबाधित आहेत. तर 87 नागरिकांचा कोरोनाने (Corona) मृत्यू झाला आहे. ज्यामुळे कोरोनाबाधित मृत्यूंची संख्या 3,729 झाली आहे. तर चीनमध्ये गेल्या 24 तासांमध्ये 2 हजार रुग्णांची नोंद करण्यात आली असून गेल्या 24 तासांत 13 लाखांहून अधिक रुग्णांची (Patients) नोंद जगभरात करण्यात आली आहे.