Kerala’s Sreeju won 45 Crore lottery in UAE: लाखो भारतीय मध्य पूर्व देशांमध्ये राहतात. त्यांच्यापैकी बरेच जण मोठ्या लॉटरी आणि जॅकपॉटसाठी नशीब आजमावतात. अशा परिस्थितीत येथील तेल-गॅस कंपनीत काम करणाऱ्या 39 वर्षीय केरळच्या श्रीजूने लॉटरीमध्ये नशीब आजमावले.

बुधवारी लॉटरी उघडली तेव्हा श्रीजूलाही आश्चर्याचा धक्का बसला. या लॉटरीतून त्याने तब्बल 45 कोटी रुपये जिंकले. श्रीजूने बुधवारी झालेल्या महाजूझ सॅटरडे मिलियन्स ड्रॉमध्ये ही लॉटरी जिंकली आहे.

मिळालेल्या माहितीनुसार, श्रीजू गेल्या 11 वर्षांपासून यूएईमध्ये राहत आहे. त्याने अजून घरही बांधले नव्हते. गल्फ न्यूजला दिलेल्या मुलाखतीत श्रीजूने सांगितले की, 'जेव्हा मी माझे अकाऊंट तपासले तेव्हा मला आश्चर्य वाटले. मात्र, याची पुष्टी करण्यासाठी मी महजूजच्या कॉलची वाट पाहत होतो.' श्रीजूच्या आधीही अनेक भारतीयांनी UAE मध्ये मोठ्या लॉटरी जिंकल्या आहेत. गेल्या शनिवारी यूएईमध्येच केरळच्या सरथ शिवदासनने 11 लाख रुपये जिंकले होते.

अनेक भारतीयांनी लॉटरी जिंकली आहे

दरम्यान, याच ड्रॉमध्ये मुंबईच्या (Mumbai) मनोज भावसारलाही 16 लाखांची लॉटरी लागली होती. तो अबुधाबीमध्ये 16 वर्षांपासून इलेक्ट्रॉनिक्स रिपेयरिंगचे काम करत आहे. लॉटरी जिंकल्याबद्दल भावसार म्हणाला होता की, 'जेव्हा मला अभिनंदनाचा मेल आला तेव्हा मला खूप आनंद झाला. यानंतर मी माझ्या आईला फोन करुन लाईव्ह ड्रॉ स्ट्रीम पाहण्यास सांगितले. यानंतर माझे नाव पाहताच ती आनंदाने उडी मारली.'