Donald Trump  Dainik Gomantak
ग्लोबल

France Protest: ''हा तर फ्रान्सवर ताबा मिळवण्याच्या मोठ्या कटाचा भाग'', वाढत्या हिंसाचारावर डोनाल्ड ट्रम्प यांचं खळबळजनक विधान; पॅरिससह प्रमुख शहरात अराजकता

Donald Trump Statement on France Protest: फ्रान्समध्ये शिक्षण क्षेत्रासाठी अतिरिक्त निधीची मागणी करणाऱ्या विद्यार्थ्यांचे आंदोलन आता अत्यंत हिंसक आणि उग्र वळणावर पोहोचले आहे.

Manish Jadhav

Donald Trump Statement on France Protest: फ्रान्समध्ये शिक्षण क्षेत्रासाठी अतिरिक्त निधीची मागणी करणाऱ्या विद्यार्थ्यांचे आंदोलन आता अत्यंत हिंसक आणि उग्र वळणावर पोहोचले आहे. पॅरिससह फ्रान्समधील अनेक प्रमुख शहरांमध्ये सुरु असलेल्या या निदर्शनांमुळे सुरक्षिततेचा प्रश्न ऐरणीवर आला असून परिस्थिती नियंत्रणाबाहेर जात आहे. मंगळवारी देशभरात विद्यार्थ्यांच्या समर्थनार्थ अडीच लाखांहून अधिक नागरिक रस्त्यावर उतरले होते.

आंदोलनाला हिंसक रुप मिळाल्यानंतर सुरक्षा दल आणि पोलिसांना गर्दी नियंत्रित करण्यासाठी अश्रूधुराच्या नळकांड्या आणि बळाचा वापर करावा लागला. मार्से, नांत, टूलूज, स्ट्रासबर्ग, लिओन आणि रेनेस या प्रमुख शहरांमध्ये मोठ्या प्रमाणावर जाळपोळ आणि तोडफोड सुरु असून रस्ते पूर्णपणे जाम झाले आहेत.

या संपूर्ण प्रकरणावर अमेरिकेचे राष्ट्राध्यक्ष डोनाल्ड ट्रम्प यांनी अत्यंत आक्रमक आणि महत्त्वाची प्रतिक्रिया दिली. त्यांनी 'ट्रूथ सोशल'वर पोस्ट करत म्हटले की, फ्रान्समधील ही निदर्शने केवळ शाळा किंवा विद्यार्थ्यांच्या मागण्यांपुरती मर्यादित नसून, हा मोठ्या प्रमाणावर सुरु असलेल्या स्थलांतराचा आणि धार्मिक असंतुलनाचा परिणाम आहे. फ्रान्सवर ताबा मिळवण्याच्या एका मोठ्या कटाचा हा भाग असल्याचा दावा ट्रम्प यांनी केला.

सध्याच्या गंभीर परिस्थितीमुळे फ्रान्स सरकारपुढील अडचणी वाढल्या आहेत. सुरक्षेचा उपाय म्हणून सरकारने दोन हजारांहून अधिक शाळा तात्पुरत्या बंद केल्या आहेत, तर एक हजारांहून अधिक शाळांचे कामकाज ऑनलाइन माध्यमातून सुरु ठेवण्याची वेळ आली आहे. सरकार आंदोलकांशी चर्चा करुन मार्ग काढण्याचा प्रयत्न करत असले, तरी आंदोलक कोणतीही तडजोड किंवा चर्चा करण्यास तयार नसल्याने संपूर्ण फ्रान्समध्ये तणावाचे वातावरण कायम आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT