स्पाइसजेटनंतर आता इंडिगोच्या विमानाचे पाकिस्तानात इमर्जन्सी लँडिंग करण्यात आले आहे. तांत्रिक बिघाडामुळे विमान पाकिस्तानातील कराची येथे उतरवण्यात आल्याचे सांगण्यात आले. सर्व प्रवाशांना येथे सुरक्षित उतरवण्यात आले आहे. त्यानंतर विमान कंपनी आता प्रवाशांसाठी दुसरे विमान पाठवू शकते. (IndiGo Sharjah-Hyderabad Flight)

असे सांगण्यात आले की हे विमान शारजाहून हैदराबादला जात होते, जेव्हा पायलटला विमानात काही हजार फूट उंचीवर तांत्रिक बिघाड झाल्याचा संशय आला ,तेव्हा अखेर विमान कराचीत उतरवण्याचा निर्णय घेण्यात आला. सध्या या विमानाची तपासणी सुरू आहे.

स्पाइसजेटचे विमानही पाकिस्तानात लॅंड केले होते
इंडिगोपूर्वी, स्पाइसजेटचे विमानही तांत्रिक बिघाडानंतर पाकिस्तानात पोहोचले. या विमानाचे इमर्जन्सी लँडिंगही पाकिस्तानातील कराची येथे करण्यात आले. या विमानात 150 लोक होते, ज्यांना प्रथम पाकिस्तानमध्ये उतरवण्यात आले आणि त्यानंतर विमानाची तपासणी करण्यात आली, नंतर सर्व प्रवाशांना दुसऱ्या विमानातून दुबईला पाठवण्यात आले.