रशिया (Russia) आणि युक्रेनमध्ये (Ukraine) युद्ध सुरूच आहे. यामुळे दिवसेंदिवस परिस्थिति अधिक बिकट होत चालली आहे. या पार्श्वभूमीवर युक्रेनमधील भारतीय एंबेसी (Embassy) किवमधून हलवण्यात आले आहे. भारतीय दूतावास तात्पुरते पोलंडमध्ये (Polland) हलवण्यात आले आहे.

* पश्चिम बाजूने हल्ला

लक्षणीय म्हणजे युक्रेनमधील (Ukraine) युद्धाची परिस्थिती अधिकच बिकट होत चालली आहे. युक्रेनचा पश्चिम भागही सतत हल्ले करत आहे. पश्चिम युक्रेनमधील लष्करी प्रशिक्षक तळावर रशियाने (Russia) केलेल्या हवाई हल्ल्यात किमान नऊ जण ठार झाले. तर 57 जण जखमी झाले आहेत. रशियाच्या या हल्ल्याने युद्ध पोलंडच्या (Polland) सीमेजवळ पोहोचले आहे. याआधी रशियाच्या एका वरिष्ट अधिकाऱ्याने असा इशारा दिला होता की, मास्को परदेशातून युक्रेनला लष्करी पुरवठ्याला लक्ष्य करेल.

ल्विव प्रांताचे गव्हर्नर मॅकसिम कोजित्स्की यांनी सांगितले की रशियन सैन्याने ल्विव शहराच्या उत्तर- पश्चिमेला 30 किलोमीटर अंतरावर यावोरीव लष्करी तळावर किमान 30 क्रूझ क्षेपणास्त्रे डागली. हा लष्करी तळ युक्रेनियन प्रदेशात पोलिश सीमेपासून 35 किमी अंतरावर आहे. अधिकार्यांनी सांगितले की, रशियन सैन्याने पश्चिम युक्रेनच्या इव्हानो-फ्रँकिव्हस्क शहरातील विमानतळावरही गोळीबार केला. असे हल्ले करून रशियाला भीती आणि अराजकता निर्माण करायची होती, असे महापौर रुस्लान मार्टसिंकीव्ह यांनी सांगितले.