पाकिस्तानचे माजी पंतप्रधान इम्रान खान यांच्या अडचणी कमी होण्याचं नाव घेत नाहीयेत. यातच आता, पाकिस्तानच्या एका न्यायालयाने मंगळवारी माजी पंतप्रधान इम्रान खान आणि त्यांची पत्नी बुशरा यांना पंतप्रधानपदाच्या कार्यकाळात लाच म्हणून जमीन घेतल्याप्रकरणी दोषी ठरवले, असे टीव्ही चॅनल जिओ न्यूजने म्हटले आहे. खान सध्या इतर प्रकरणांच्या संदर्भात ऑगस्टपासून तुरुंगात आहेत.
दरम्यान, न्यायालयाने मंगळवारी माजी पंतप्रधान इम्रान खान (Imran Khan) आणि त्यांची पत्नी बुशरा बीबी यांना त्यांच्या कार्यकाळात जमीन लाच घेतल्याप्रकरणी दोषी ठरवले. त्यांच्या पक्षाने ही माहिती दिली. भ्रष्टाचाराच्या आरोपाखाली त्यांना यापूर्वीच दोन खटल्यांमध्ये दोषी ठरवण्यात आले आहे, ज्यामुळे ते 10 वर्षांसाठी राजकारणात भाग घेण्यास अपात्र ठरले होते. तुरुंगाच्या आवारात ही सुनावणी झाली. पक्षाने म्हटले की, इम्रान आणि त्यांची पत्नी बुशरा बीबी यांनी स्वत:ला निर्दोष घोषित केले आहे.
दुसरीकडे, इम्रान खान यांच्या पाकिस्तान तहरीक-ए-इन्साफ (पीटीआय) पक्षाने पाठिंबा दिलेल्या उमेदवारांनी 8 फेब्रुवारीच्या राष्ट्रीय निवडणुकीत दोषी आणि लष्करी-समर्थित कारवाईनंतरही संसदेत सर्वाधिक जागा जिंकल्या आहेत. मात्र, नवाझ शरीफ आणि आसिफ अली झरदारी भुट्टो यांच्या नेतृत्वाखाली त्यांच्या पक्षांनी आघाडी सरकार (Government) स्थापन करण्यासाठी युती केली. या महिन्याच्या सुरुवातीला पाकिस्तानचे माजी पंतप्रधान इम्रान खान यांचा बुशरा बीबीसोबतचा विवाह बेकायदेशीर घोषित करण्यात आला होता. 'गैर-इस्लामिक विवाह' प्रकरणात दोघांनाही 7 वर्षांची शिक्षा सुनावण्यात आली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.