Facing Racism, Want To Surrender American Soldier Appeals North Korea:

उत्तर कोरियाने असा दावा केला आहे की अमेरिकन सैनिक ट्रॅव्हिस किंग अमेरिका आणि अमेरिकन सैन्यात "अमानवीय गैरवर्तन आणि वांशिक भेदभावामुळे" आमच्याकडे आश्रय घेत आहे. असे उत्तर कोरियाच्या सरकारी माध्यमांनी 18 जुलै रोजी हे वृत्त दिले.

ट्रॅव्हिस किंग यांनी उत्तर आणि दक्षिण कोरियाची सीमा असलेल्या संयुक्त सुरक्षा क्षेत्राच्या (जेएसए) भेटीदरम्यान उत्तर कोरियात प्रवेश केला. अमेरिकन अधिकाऱ्यांनी सांगितले की, सैनिकाने जाणूनबुजून सीमा ओलांडली आणि त्यामुळे त्याला युद्धकैदी म्हणून वर्गीकृत करण्यास नकार दिला.

उत्तर कोरियाच्या अधिकृत वृत्तसंस्थेने दिलेल्या वृत्तानुसार उत्तर कोरियाच्या तपासकर्त्यांनी सांगितले की ट्रॅव्हिस किंगने जाणूनबुजून आणि बेकायदेशीरपणे सीमा ओलांडली कारण त्याला उत्तर कोरियामध्ये किंवा दुसऱ्या कोणत्याही देशात राहायचे होते.

तपासादरम्यान, ट्रॅव्हिस किंगने कबूल केले की त्याने डेमोक्रॅटिक पीपल्स रिपब्लिक ऑफ कोरिया (डीपीआरके) मध्ये येण्याचा निर्णय घेतला कारण त्याला अमेरिकन सैन्यात अमानुष वागणूक आणि वांशिक भेदभावाचा सामना करावा लागतोय, अशी बातमी वृत्तसंस्थेने दिली.

वृत्तसंस्थेने सांगितले की, अमेरिकन समाजाबद्दल त्यांचा भ्रमनिरास झाला आहे. ट्रॅव्हिस किंगला सीमा ओलांडल्यानंतर कोरियन पीपल्स आर्मीच्या सैनिकांनी ताब्यात ठेवले होते आणि त्याचा तपास अजून सुरू आहे.

ट्रॅव्हिस किंगचे काका, मायरॉन गेट्स यांनी पूर्वी एका टीव्ही न्यूज शोमध्ये सांगितले की त्याच्या पुतण्याला त्याच्या लष्करी भरती दरम्यान वर्णद्वेषाचा अनुभव आला.

ट्रॅव्हिस किंग जानेवारी 2021 मध्ये अमेरिकन सैन्यात सामील झाला. तो कोरियन रोटेशनल फोर्ससह घोडदळ स्काउट आहे.

दक्षिण कोरियामध्ये, त्याला हल्ल्याच्या दोन आरोपांचा सामना करावा लागला आणि न्यायालयाच्या दस्तऐवजानुसार, सार्वजनिक मालमत्तेचा नाश करण्याच्या एका गुन्ह्यासाठी त्याला शेवटी दोषी ठरवले.