रशियाशी सुरू असलेल्या संबंधांमुळे काही गुंतवणूकदार आणि राजकारण्यांकडून तीव्र टीकेचा सामना करणाऱ्या ड्यूश बँक (DBKGn.DE) ने शुक्रवारी सांगितले की ते देशातील आपला व्यवसाय बंद करणार आहेत. (Deutsche Bank has closed its business in Russia)

मॉस्कोच्या युक्रेनवरील आक्रमणानंतर बाहेर पडणाऱ्या पहिल्या प्रमुख यूएस बँका असलेल्या गोल्डमन सॅक्स (GS.N) आणि JPMorgan Chase (JPM.N) च्या रांगेत ड्यूश सामील झाले आहे. ड्यूश बँक (DBKGn.DE) ने शुक्रवारी सांगितले आहे की, ते रशियामधील (Russia) आपला व्यवसाय बंद करणार आहे.

"आम्ही रशियातील आमचा उरलेला व्यवसाय संपुष्टात आणण्याच्या प्रक्रियेत आहोत, तर आम्ही आमच्या गैर रशियन बहुराष्ट्रीय ग्राहकांना त्यांचे कामकाज कमी करण्यात मदत देखील करतो," असे बँकेने म्हटले आहे. "रशियामध्ये कोणताही नवीन व्यवसाय होणार नाही," असेही ड्यूश म्हणाले आहे.

रशियामध्ये व्यवसाय करणार्‍या बहुराष्ट्रीय कंपन्यांना समर्थन देणे आवश्यक झाले आहे असा युक्तिवाद करून ड्यूशने संबंध तोडण्याच्या प्रतिकार केला होता. पण फ्रँकफर्टमध्ये शुक्रवारी संध्याकाळी बँकेने अचानक उलटी चाल करत डाव पलटलला असं म्हटलं तरी वावग ठरणार नाही.