China's nuclear submarine trapped in its own net, major accident in the Yellow Sea, 55 sailors feared dead:

चीनच्या एका अण्विक पाणबुडीचा पिवळ्या समुद्रात अपघात झाल्याची माहिती समोर आली आहे. यामध्ये चीनच्या पीपल्स लीबरेशन आर्मीचे जवळपास 55 नौसैनिक मृत्यूमुखी पडल्याची शक्यता वर्तवण्यात येत आहे.

ब्रिटेनमधील वृत्तपत्र डेली मेलने याबाबत वृत्त दिले आहे. हा सर्व प्रकार २१ ऑगस्ट रोजी एका मिशन दरम्यान झाल्याचे ब्रिटनच्या एका सिक्रेट रिपोर्टद्वारे सांगण्यात आले आहे.

ब्रिटिश आण्विक पाणबुड्यांना फसवण्याच्या प्रयत्नात चीनी आण्विक पाणबुडीचा अपघात झाल्याची शक्यता अनेकांनी वर्तवली जात आहे. यापूर्वी चीनच्या पाणबूडीबद्दल अशी घटना घडली होती. पण आता या घटनेबद्दल चीनने मौन बाळगलेले पाहायला मिळत आहे.

या आण्विक पाणबूडीच्या अपघातात जवळपास ५५ नौसैनिक, २२ अधिकारी, ९ वरीष्ठ अधिकारी, १७ नौसेना कामगार, कॅप्टन कर्नल जू योंग पेंग होते. चीनची आण्विक पाणबूडी ०९३ ही गेल्या १५ वर्षापासून चीनच्या पीपल लिब्रेशन आर्मीच्या नौसेनेचा भाग आहे. या पाणबूडीची उंची ३५१ फुट लांब आहे. ही चीनच्या अत्याधुनिक पाणबुडीपैकी एक होती.

डेली मेलमध्ये दिलेल्या माहितीनुसार, पाणबुडीमध्ये झालेल्या हाइपोक्सिया बिघाडामुळे नौसैनिकांचा मृत्यू झाल्याचे सांगितले जात आहे.

अमेरिका आणि सहयोगी पाणबूड्यांना अडकवण्यासाठी चीनी नौसैनेने वापरलेल्या चेन आणि एंकरमध्ये पाणबूडी अडकली. त्यानंतर सिस्टम खराब झाली आणि ते दुरुस्त करण्यास जवळपास सहा तास उलटले. ऑक्सिजन प्रणालीमध्ये बिघाड झाल्यामुळे जहाजावरील क्रूला विषबाधा झाली. आण्विक पाणबुडी बुडण्याची ही घटना चीनच्या शेडोंग प्रांतात घडल्याचे समजते.

आतापर्यंत चीनच्या नौसेनेकडून नुकसान झालेल्या घटनेबद्दल कोणत्याही प्रकारची अधिकृत माहिती देण्यात आलेली नाही. ब्रिटनने दिलेल्या माहितीची सतत्या पाडताण्यासाठी रिपोर्टवर चर्चा करण्यास रॉयल नेवीला संपर्क केला पण त्यांनी याबाबत बोलण्यास नकार दिला.