चीनी सरकार चीनमध्ये उईघुरांशी (Uyghurs in China) कसे वागते याची संपूर्ण जगाला जाणीव आहे. दरम्यान, एका चिनी महिलेच्या दाव्यामुळे संपूर्ण जग आश्चर्यचकित झाले आहे. तिने म्हटले की चीनचे दुबईमध्येही गुपित जेल आहे. जिथे तिला आठ दिवस तुरुंगात ठेवण्यात आले होते. या दरम्यान, दोन उइगर मुस्लिम व्यक्ती देखील तिच्या सोबत होते. देशाबाहेरही चीनचे अशाप्रकारचे जेल असल्याची बातमी समोर येण्याची ही पहिलीच वेळ आहे. 26 वर्षीय वू हुआन प्रत्यार्पण टाळण्यासाठी देश सोडून पळून जात होती. तिचा पती चीनी सरकारच्या नितीचा विरोध करत होता.

वृत्तसंस्था एपी सोबत झालेल्या चर्चेदरम्यान हुआनने सांगितले की, तिचे दुबईतील एका हॉटेलमधून अपहरण करण्यात आले आणि नंतर चिनी अधिकाऱ्यांनी एका व्हिलामध्ये कैद केले, ज्याचे रुपांतर तुरुंगात (China Uyghurs Camps) करण्यात आले आहे. येथे त्याने पाहिले आणि ऐकले की आणखी दोन कैदी देखील उपस्थित आहेत, जे उईघूर आहेत. चीनी अधिकाऱ्यांनी चौकशी केली आणि हुआनला धमकी दिली. तिच्या नवऱ्याला त्रास देण्यासाठी तिला जबरदस्तीने कागदपत्रांवर स्वाक्षरी करण्यास भाग पाडण्यात आले. तथापि, शेवटी 8 जून रोजी तिची सुटका झाली आणि ती आता नेदरलँडमध्ये आश्रय मागत आहे.

ब्लॅक साइट्स' म्हणजे काय?

'ब्लॅक साइट्स' चीनमध्ये सामान्य आहे (Black Sites of China). ही गुप्त कारागृहे आहेत जिथे कैद्यांवर सहसा गुन्हा दाखल होत नाही आणि ते कायदेशीर मदतही घेऊ शकत नाहीत (China Uyghurs Camps). कोठडीत ठेवलेल्या लोकांना ना जामीन मिळतो ना न्यायालय त्यांच्याबाबत आदेश जारी करते. हुआनच्या वक्तव्यानंतर तज्ञांनी चिंता व्यक्त केली आहे, कारण पहिल्यांदा असे आढळून आले आहे की चीनने परदेशात अशा प्रकारची कारागृहे देखील स्थापन केली आहेत.

चीन आपल्या आतंरराष्ट्रीय प्रभावाचा वापर करतोय

चीन आपल्या आंतरराष्ट्रीय प्रभावाचा वापर परदेशातील आपल्या नागरिकांना ताब्यात घेण्यासाठी किंवा परत आणण्यासाठी करत आहे (ज्यांना सरकारी कारवाई टाळण्यासाठी परदेशात राहायचे आहे) (China Secret Jail in Dubai). हा दावा कितपत खरा आहे, याची पुष्टी झालेली नाही, पण या महिलेकडे तिचा मुद्दा सिद्ध करण्यासाठी पुरावेही आहेत. पत्रकारांनी वू हुआनच्या पासपोर्टवर शिक्कामोर्तब केलेले, फोन रेकॉर्डिंग ऐकलेले ज्यात चिनी अधिकारी त्याची विचारपूस करत आहेत आणि तिने मदतीसाठी पाठवलेले मजकूर संदेश पाहिले आहेत.

चीनने हा दावा फेटाळला

दुबईने यावर कोणतीही प्रतिक्रिया दिलेली नाही. तर चीनने दावा नाकारला आहे (China Uighur Detention). चीनच्या परराष्ट्र मंत्रालयाच्या प्रवक्त्या हुआ चुनयिंग यांनी सोमवारी सांगितले की, 'मी आत्ता तुम्हाला एवढेच सांगू शकतो की ती स्त्री जे म्हणत आहे ते खरे नाही.' 'हूआनची 19 वर्षीय पतीस वांग जिंग्युला चीनमध्ये वॉन्टेड घोषित करण्यात आले आहे. कारण त्याने 2019 मध्ये हाँगकाँगमधील चीनी सरकारच्या जबरदस्तीच्या कारवाईवर प्रश्नचिन्ह उपस्थित केले होते.