चीन हा देश जगात आपल्या आधुनिक आविष्कारांसाठी ओळखला जातो. अशक्य गोष्टी शक्य करुन दाखवण्यात चीन कोणत्याही प्रकारची कसर सोडत नाही. यातच आता, चीनने पुन्हा एकदा मोठा चमत्कार करुन दाखवला आहे. चीनने हुआवेईने चायना युनिकॉमच्या सहकार्याने हेबेई प्रांतातील झिओंगआन न्यू एरियामध्ये पहिले 10G क्लाउड ब्रॉडबँड नेटवर्क लॉन्च केले. मायड्रायव्हर्सच्या मते, नेटवर्कने 9,800 एमबीपीएस पेक्षा जास्त वेग गाठला, असे न्यूज.एझेडने यूएनएनच्या हवाल्याने वृत्त दिले आहे.

दरम्यान, हा प्रदेश चीनची राजधानी बीजिंगजवळ असून चीनच्या प्रमुख तंत्रज्ञान केंद्रांपैकी एक मानला जातो. हे नेटवर्क जगातील पहिल्या 50G PON सोल्यूशनवर आधारित आहे. "फायबर-ऑप्टिक अॅक्सेस नेटवर्कच्या मूलभूत आर्किटेक्चरच्या अपग्रेडमुळे वापरकर्त्याची बँडविड्थ पारंपारिक गिगाबिट पातळीपासून 10G पातळीपर्यंत वाढते आणि नेटवर्क लेटन्सी मिलिसेकंद पातळीपर्यंत कमी होते," असे सोशल मीडियावर करण्यात आलेल्या पोस्टमध्ये म्हटले आहे.

प्रकाशित आकडेवारीनुसार, नेटवर्कवरील प्रत्यक्ष डाउनलोड स्पीड 9834 एमबीपीएसपर्यंत पोहोचला. तर अपलोड स्पीड 1008 एमबीपीएस पोहोचला. दरम्यान, हा स्पीड सध्याच्या होम ब्रॉडबँड मानकांपेक्षा लक्षणीयरीत्या जास्त आहे. मायड्रायव्हर्सच्या मते, चीन नेक्स्ट जनरेशन नेटवर्क उपलब्ध करुन देण्यावर आघाडीवर आहे. जानेवारी 2005 पर्यंत, देशात 4.25 दशलक्ष 5जी बेस स्टेशन असून ही जगातील इतर कोणत्याही ठिकाणापेक्षा जास्त आहेत. तर दुसरीकडे, चांग गुआंग उपग्रह तंत्रज्ञानाने उपग्रहापासून पृथ्वीवर लेसर कम्युनिकेशनद्वारे 100 गिगाबाइट/सेकंद डेटा ट्रान्समिशन स्पीड गाठला. हा मागील विक्रमाच्या 10 पट असून स्टारलिंकलाही मागे टाकतो.