Israel-Hamas War: इस्रायल-हमास यांच्यात सुरु असलेललं युद्ध थांबण्याचं नाव घेत नाहीये. इस्त्रायल सातत्याने आपले हल्ले तीव्र करत आहे. इस्त्रायली हल्ल्यांमुळे गाझा मुलांचे सर्वात मोठे 'समशान' बनले आहे. आकडेवारीनुसार, गाझामध्ये आतापर्यंत 27 हजारांहून अधिक मृत्यू झाले आहेत, त्यापैकी फक्त 12 हजार मुले आहेत. याशिवाय, UN च्या अहवालानुसार 17 हजार मुलांच्या पालकांची ओळख नाही. अशाप्रकारे हे युद्ध मुलांसाठी सर्वात जड गेले आहे. गाझामध्ये उरलेल्या मुलांनाही धोका आहे. भूक आणि कुपोषण ही मोठी समस्या बनली आहे. अशा परिस्थितीत या युद्धात गाझा येथील मुलांचे भविष्य उद्ध्वस्त झाले.
युनिसेफने (UNICEF) शुक्रवारी सांगितले की, गाझामधील मुलांच्या मानसिक आरोग्यावरही परिणाम झाला आहे. अशा परिस्थितीत त्यांना आधाराची खूप गरज आहे. अल्जझीराच्या वृत्तानुसार, युनिसेफच्या अधिकाऱ्याने सांगितले की, गाझामधील प्रत्येक मुलाची एक वेदनादायक कहाणी आहे. ते म्हणाले की, गाझामध्ये सुमारे 1.7 दशलक्ष लोक विस्थापित झाले आहेत. या लोकसंख्येचा एक टक्का अनाथ झालेली मुले आहेत. जरी हे आकडे जास्त असू शकतात. गाझामध्ये प्रचलित असलेल्या वातावरणात, डेटा गोळा करणे आणि नंतर पडताळणे हे देखील एक मोठे आव्हान आहे.
ते पुढे म्हणाले की, गाझामधील मुलांची परिस्थिती अशी आहे की काही वेळा ते त्यांचे नावही सांगू शकत नाहीत. रुग्णालये मुलांनी भरलेली आहेत. त्यांना जखमी अवस्थेत रुग्णालयात दाखल करण्यात आले आहे. परिस्थिती पाहून अनेक मुले बेहोश होतात. त्यांना इतका धक्का बसला आहे की, ते नावही विसरतात. अशा स्थितीत अनेकजण त्या मुलांना सोबत ठेवतात. अनाथ झालेली मुलेही काही कुटुंबाचा आधार घेत आहेत. तथापि, हे देखील एक अतिशय कठीण काम आहे. लोक स्वतःचे पोट भरण्यासाठी तडफडत आहेत. अशा परिस्थितीत दुसऱ्याच्या मुलाला आधार देणे सोपे नाही.
युनिसेफने म्हटले की, गाझामधील 5 लाख मुलांना मानसिक आधाराची गरज आहे. पॅलेस्टिनी आरोग्य मंत्रालयाच्या म्हणण्यानुसार, गाझामध्ये 27 हजारांहून अधिक लोकांचा मृत्यू झाला आहे. तर 66 हजारांहून अधिक लोक जखमी झाले आहेत. गाझाची रुग्णालये (Hospital) औषधे आणि सुविधांच्या कमतरतेशी झुंजत आहेत. एक हजाराहून अधिक लोक बेपत्ता आहेत किंवा ढिगाऱ्याखाली दबले गेले आहेत. उत्तर, मध्य आणि पूर्व गाझामध्ये इस्रायलच्या हल्ल्यामुळे लोकांना घरे सोडावी लागली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.