Chandrayaan 3 Moon Landing: चंद्रावर मानवी वसाहती वसवू शकतो का? पृथ्वीप्रमाणेच चंद्रावर माणूस जगू शकतो का? असा अनेकांना प्रश्न पडताना दिसतो. किंबहुना आंतराळ मोहीमा अशा अनेक प्रश्नांची उत्तरे शोधण्यासाठीच आखल्या जातात. आता नासाचे वैज्ञानिक माइक गोल्ड यांनी भारताचे चांद्रयान 3 चंद्रावर मानवी वसाहती वसवण्यात मोठी भूमिका निभावणार असल्याचे वक्तव्य केले आहे.

मायकल गोल्ड म्हणतात, चांद्रयान ३ चंद्रावरील महत्वपूर्ण माहीती गोळा करेल ज्याच्या चंद्राचा अभ्यास कऱण्यासाठी मोठा फायदा होईल. चंद्राच्या वातावरणाचा भविष्यात अभ्यास करण्यासाठी संपूर्ण जगाला त्याचा मोठा फायदा होईल. ही मोहीम यशस्वी होऊ किंवा नाही मात्र चांद्रयानाकडून चंद्रावरची इतकी माहीती मिळणे हेच मोठे यश असणार आहे, असेही त्यांनी म्हटले आहे.

चांद्रयान 3 चंद्राच्या दक्षिण भागात उतरणार आहे. या भागात या आधी कधीही कोणत्याही देशाने पाऊल ठेवले नाही. दरम्यान, रशियाने देखील लूना 25 हे आंतराळयान पाठवले होते. मात्र चंद्राच्या कक्षेत गेल्यावर त्याच्या ऑटोमॅटिक यंत्रात बिघाड झाला आणि हे यान भरकटले, कमांड अॅक्सेप्ट करु न शकल्यानं हे यान क्रॅश झाले आहे. आता संपूर्ण जगाचे लक्ष चंद्रयानाकडे लागले आहे.

आज भारतासाठी अत्यंत महत्वाचा दिवस आहे. भारताचे महत्वाकांक्षी चांद्रयान 3 आज चंद्रावर उतरणार आहे. आजपर्यंत जगातले 3 देशांनी चंद्रावर यशस्वी लँडिग करत विक्रम केला आहे. सोव्हिएत युनियन, युएसए आणि चीन ( China ) हे तीन देशांनी चंद्रावर आपली मोहीम यशस्वी केली आहे. आज भारताचे चांद्रयान 3 दक्षिण ध्रुवावर यशस्वीपणे उतरले तर हा विक्रम ठरणार आहे. ही मोहीम यशस्वी व्हावे अशी अपेक्षा व्यक्त केली जात आहे.