थायलंडमधील न्यायालयाने मंगळवारी 2014 च्या एका प्रकरणात एका ब्रिटिश व्यक्तीला दोषी ठरवले. या प्रकरणात महिलेच्या मृतदेहाचे तुकडे करुन सुटकेसमध्ये भरुन नदीत फेकण्यात आले होते. शेन केनेथ लुकरला 27 वर्षीय सेक्स वर्कर लक्सामी मनोचटची हॉटेलच्या खोलीत हत्या करुन तिच्या शरीराचे तुकडे केल्याप्रकरणी 8 वर्षांची शिक्षा सुनावण्यात आली आहे.

पोलिसांनी (Police) दिलेल्या माहितीनुसार, 51 वर्षीय व्यक्तीने 1 नोव्हेंबर 2014 रोजी बँकॉकमधील गो-गो बारमधून बाहेर पडण्यापूर्वी लक्सामीसोबत फोटो काढले. लक्सामी ‘पूक’ म्हणूनही ओळखले जाते.

दुसरीकडे, पश्चिम शहरातील कांचनबुरी येथील न्यायालयीन अधिकाऱ्याने सांगितले की, "आरोपी दोषी आढळला आहे. त्याला 16 वर्षांच्या तुरुंगवासाची शिक्षा झाली पाहिजे, परंतु त्याने आपल्या गुन्ह्याची कबुली दिल्याने, न्यायालयाने शिक्षा कमी करुन अर्धी केली आहे." दुसर्‍या न्यायालयीन अधिकाऱ्याने सांगितले की, लक्सामीच्या आईला व्याजासह 10 दशलक्ष ($300,000) दंड दिला जाईल.