Attack by Pakistani Army terrorists, one colonel and three soldiers martyred:

पाकिस्तानच्या खैबर पख्तूनख्वामध्ये दहशतवाद्यांनी पुन्हा एकदा पाकिस्तानी लष्करावर जोरदार हल्ला केला आहे. समोर आलेल्या माहितीनुसार, प्रांतातील खैबर जिल्ह्यातील तिराह भागात दहशतवाद्यांशी झालेल्या चकमकीत पाकिस्तानी लष्कराचा एक अधिकारी आणि तीन जवान शहीद झाले.

पाकिस्तानी लष्कराची मीडिया शाखा 'इंटर सर्व्हिसेस पब्लिक रिलेशन्स' (ISPR) ने एका निवेदनात म्हटले आहे की, गुप्तचर माहितीच्या आधारे केलेल्या कारवाई दरम्यान लेफ्टनंट कर्नल मोहम्मद हसन हैदर आणि तीन सैनिक मारले गेले.

निवेदनात पुढे म्हटले आहे की, ऑपरेशन दरम्यान, लेफ्टनंट कर्नल हैदर यांच्या नेतृत्वाखाली पाकिस्तानी लष्कराच्या जवानांनी दहशतवाद्यांना प्रभावीपणे घेरले होते.

आयएसपीआरने जारी केलेल्या निवेदनात म्हटले आहे की, या कारवाईत ३ दहशतवादी मारले गेले. याशिवाय अन्य तीन दहशतवादीही जखमी झाले आहेl.

आयएसपीआरच्या म्हणण्यानुसार, परिसरात शोध मोहीम राबवली जात आहे जेणेकरून आणखी कोणी दहशतवादी सापडल्यास त्याचा खात्मा करता येईल.

अंतरिम पंतप्रधान अन्वर उल-हक काकर यांनी लष्करी अधिकारी आणि तीन जवानांच्या हत्येबद्दल तीव्र दु:ख व्यक्त केले. जोपर्यंत देशातून दहशतवादाचा समूळ उच्चाटन होत नाही तोपर्यंत दहशतवादाविरुद्धचे युद्ध सुरूच राहणार असल्याचे त्यांनी सांगितले.

गेल्या काही महिन्यांत दहशतवाद्यांनी पाकिस्तानी लष्करावर सातत्याने हल्ले केले असून, त्यात डझनभर सैनिक आणि अधिकारी शहीद झाले आहेत.

पाकिस्तानच्या दक्षिण-पश्चिम बलुचिस्तान प्रांतात शुक्रवारी दहशतवाद्यांनी पाकिस्तानी सैन्याच्या दोन वाहनांवर हल्ला केला, ज्यात 14 सैनिक ठार झाले.

बलुचिस्तानमध्ये गेल्या शुक्रवारचा दहशतवादी हल्ला या वर्षातील सर्वात भीषण हल्ला मानला जात आहे, ज्यात पाकिस्तानी लष्कराचे सर्वाधिक सैनिक मारले गेले आहेत.

त्याचवेळी, गेल्या महिन्यात पाकिस्तानच्या खैबर पख्तुनख्वा प्रांतात सुरक्षा चौकीवर झालेल्या दहशतवादी हल्ल्यात लष्कराचे किमान तीन जवान जखमी झाले होते.