Afghan citizen Dainik Gomantak
ग्लोबल

Afghanistan Crisis: तालिबानच्या विरोधात अफगाण नागरिक उतरले रस्त्यावर

अफगाण (Afghan citizen) आपल्या हक्कांसाठी लढण्यासाठी रस्त्यावर उतरले आहेत.

दैनिक गोमन्तक

20 वर्षांनंतर पुन्हा एकदा तालिबानने (Taliban) अफगाणिस्तानवर (Afghanistan) कब्जा केल्यानंतर देशात सर्वत्र भीतीचे वातावरण आहे. तालिबानी लढाऊ जवळजवळ प्रत्येक शहराच्या रस्त्यावर हातामध्ये शस्त्रे घेऊन जात असताना दिसत आहेत. येत्या काळात आफगाणिस्तानची दशा अन् दिशा काय असेल हे कोणालाच माहीत नाही. बहुतेक लोकांना असे वाटते की, पुन्हा एकदा त्यांना बंदूकांच्या छायेखाली जगावे लागेल. त्यामुळे अफगाणिस्तानचे लोक आता तालिबानच्या विरोधात रस्त्यावर उतरले आहेत. काबुलपासून कंधार आणि नंतर जलालाबादपर्यंत सर्वत्र अफगाणी निदर्शने करत आहेत. अनेक ठिकाणाहून गोळीबाराच्या बातम्याही येत आहेत. असे असूनही, अफगाण आपल्या हक्कांसाठी लढण्यासाठी रस्त्यावर उतरले आहेत.

अफगाणिस्तानातील त्यांच्या पूर्वीच्या राजवटींच्या तुलनेत ते उदारमतवादी असतील असे आश्वासन देताना अतिरेकी कोणत्याही मतभेदांना दूर करण्यास तयार आहेत. अनेकांना भीती आहे की तालिबान महिलांच्या हक्कांचा आणि मानवाधिकारांचा विस्तार करण्याच्या दोन दशकांच्या प्रयत्नांचा नाश करेल.

गुरुवारी काबूल विमानतळाजवळ (Kabul Airport) लोकांनी कारमध्ये मोर्चा काढला. या दरम्यान, त्यांनी अफगाण ध्वजाच्या सन्मानासाठी लांब काळे, लाल आणि हिरवे बॅनर धरले. नांगरहार प्रांतातील निदर्शनाशी संबंधित एक व्हिडिओ जारी करण्यात आला आहे. एका निदर्शकाला गोळ्या घालण्यात आल्या आहेत, त्याला इतर नागरिक वाचविण्याचा प्रयत्न करत आहेत. खोस्त प्रांतात तालिबानच्या अधिकाऱ्यांनी प्रदर्शन दडपल्यानंतर 24 तासांचा कर्फ्यू लावला लागला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

मनोज परबांच्या कार्यकर्त्यावर मंत्री नीलकंठ हळर्णकर धावून गेले; कोलवाळमध्ये आरजी आणि भाजप समर्थक आमने-सामने Watch Video

Harus Rauf Controversy: रौफला '6-0' आणि 'प्लेन क्रॅश'ची नक्कल भोवली! फायनलआधी 'ICC'नं केली कारवाई, भारताशी पंगा घेणं पडलं भारी

नवरात्र, वाघ, हिंदू आणि अभयारण्य! गोव्यात व्हिडिओवरुन वाद; सामाजिक कार्यकर्त्याला धमकी देणाऱ्या भाजप नेत्यावर अखेर गुन्हा

सा जुझे दी आरियाल पुन्हा चर्चेत; पंचायत समोरील संत जोसेफ यांच्या पुतळ्याची विटंबना करुन चोरी

'पाठीत खंजीर खुपसला पण काँग्रेससोबत एकत्र लढण्यास तयार'; आप नेते पालेकरांचे काँग्रेस नेत्यांना चर्चेचे आवाहन

SCROLL FOR NEXT