Viral Wildlife Video: जंगल आणि पाण्यातील शिकारीचा खेळ अनादी काळापासून सुरु आहे. मगरीला पाण्यातील सर्वात धोकादायक शिकारी मानली जाते, जिच्या जबड्यातून एकदा शिकार सुटणे म्हणजे मृत्यूनंतरच मुक्ती मिळणे. मात्र, सध्या सोशल मीडियावर व्हायरल झालेल्या एका व्हिडिओने हेच सिद्ध केले आहे की, जर हिंमत आणि नशीब साथ देत असेल, तर अशक्यही शक्य करता येते. या धक्कादायक व्हिडिओमध्ये एक जेब्रा तलावातून अक्षरशः मृत्यूच्या दाढेतून वाचून बाहेर पडतो, हे पाहून सगळेच थक्क झाले आहेत.

आधी हा व्हिडिओ पाहा!

मृत्यूच्या दाढेतून जेब्राची सुटका

दरम्यान, व्हायरल झालेल्या या व्हिडिओमध्ये, जेब्रा नदीतून बाहेर येत असतानाच त्याच्या पाठीमागून तोंड उघडून एक मगर त्याच्यावर हल्ला करण्याचा प्रयत्न करते. पण जेब्रा अत्यंत नशीबवान होता, कारण मृत्यूच्या जबड्यात जाण्यापूर्वीच तो मगरीपासून आपले प्राण वाचवून तिथून निसटला. हा रोमांचक व्हिडिओ 'एक्स' (पूर्वीचे ट्विटर) या सोशल मीडिया (Social Midea) प्लॅटफॉर्मवर @AMAZlNGNATURE नावाच्या अकाउंटवरुन शेअर करण्यात आला आहे. आतापर्यंत 18 लाखांहून अधिक लोकांनी हा व्हिडिओ पाहिला असून, 26 हजार लोकांनी त्याला लाईक केले आहे.

युझर्संनी जेब्राच्या नशिबाचे कौतुक केले

त्याचवेळी, हा व्हिडिओ पाहिल्यानंतर युझर्संनी कमेंट सेक्शनमध्ये जेब्राच्या या जबरदस्त नशिबाची जोरदार प्रशंसा केली आहे. व्हायरल व्हिडिओवर एका युझरने कमेंट करताना लिहिले की, "जेब्रा तर नशिबानेच पैलवान निघाला!" दुसऱ्याने लिहिले की, "या जेब्राने तर थेट मृत्यूलाच हरवले." हा व्हिडिओ दाखवतो की, कठीण परिस्थितीत जर नशीब साथ देत असेल, तर जीवन कसे बदलू शकते.