अफगाणिस्तानचे उपसूचना मंत्री आणि तालिबानचे प्रवक्ते झबीहुल्ला मुजाहिद (Zabiullah Mujahid) यांनी आंतरराष्ट्रीय समुदायासमोर अफगाणिस्तानला (Afghanistan) पाठिंबा दिल्याबद्दल पाकिस्तानचे (Pakistan) कौतुक केले आहे . पीटीव्हीला दिलेल्या मुलाखतीत मुजाहिद म्हणाले की, पाकिस्तान अफगाणिस्तानबद्दल आवाज उठवत आहे आणि आंतरराष्ट्रीय शक्तींना अफगाणिस्तानमध्ये सामील होण्याचे आवाहन करत आहे. यासोबतच जबीहुल्ला मुजाहिद यांनी काश्मीर (Jammu-Kashmir) संदर्भातहि विधान केले आहे. (Zabiullah Mujahid: We will fight for the Jammu-Kashmir's Muslims)

अफगाणिस्तान ताब्यात आल्यानंतर तालिबानने (Taliban) म्हटले होते की काश्मीर हा भारताचा अंतर्गत मामला आहे, पण त्यानंतर तालिबान कडून असे वक्तव्यही करण्यात आले की तालिबान काश्मीरच्या दुःखी मुस्लिमांसाठी आवाज उठवत राहील. जबीहुल्ला मुजाहिद यांनी आता पुन्हा एकदा या मुद्द्यावर आपले मत व्यक्त केले आहे. ते म्हणाले की संपूर्ण जगात अशी अनेक क्षेत्रे आहेत जिथे मुस्लिमांना अन्यायकारक वागणूक दिली जात आहे, मग ते पॅलेस्टाईन, काश्मीर किंवा म्यानमार असो.

ते पुढे म्हणाले की, जिथे मुस्लिमांवर अत्याचार होत आहेत, ते चिंताजनक आहे आणि आम्ही त्याच्या विरोधात आहोत. जम्मू -काश्मीरमधील मानवी हक्कांच्या उल्लंघनावरही आम्ही टीका करतो. ते म्हणाले की, अफगाणिस्तान सरकार जगाच्या वेगवेगळ्या भागातील पीडित मुस्लिमांना राजनैतिक आणि राजकीय मदत पुरवत राहील.

पाकिस्तान हा आपला शेजारी असून अफगाणिस्तानबाबत पाकिस्तानच्या वृत्तीबद्दल आम्ही कृतज्ञ आहोत, असे जबीहुल्लाह म्हणाले. अफगाणिस्तानला आंतरराष्ट्रीय समुदायाशी चांगले संबंध हवे आहेत. व्यापार आणि आर्थिक संबंध वाढवायचे आहे. आम्हाला आशा आहे की आमचे शेजारी आंतरराष्ट्रीय समुदायासमोर अफगाणिस्तानला समर्थन देत राहतील.मुजाहिद म्हणाले की, 'अनेक देशांनी आंतरराष्ट्रीय समुदाय आणि अमेरिकेसमोर आमच्या बाजूने आवाज उठवला आहे. कतार, उझबेकिस्तान आणि इतर देशांनीही अफगाणिस्तानबाबत सकारात्मक दृष्टीकोन घेतला आहे. सहा दिवसांपूर्वी संयुक्त राष्ट्र महासभेत चीन आणि रशियाही आमच्या बाजूने बोलले. अफगाणिस्तानचे संबंध केवळ त्याच्या शेजारील देशांबरोबरच नव्हे तर आंतरराष्ट्रीय समुदायाशी देखील खूप महत्वाचे आहेत.