Parliament Budget Session: सोशल मीडियावर दररोज अनेक व्हिडिओ व्हायरल होत असतात. कधी लोकांच्या डान्सचा व्हिडिओ व्हायरल होतो तर कधी भांडणाचा व्हिडिओ व्हायरल होतो. सोशल मीडियावर असे व्हिडिओ सर्रास पाहायला मिळतात. पण 100 पैकी एकच व्हिडिओ असा असतो जो पाहिल्यानंतर आपण सुखावून जातो. असाच एक व्हिडिओ नुकताच सोशल मीडियावर व्हायरल झाला आहे. हा व्हिडिओ पाहिल्यानंतर तुम्हीही भावूक व्हाल. चला तर मग या व्हिडिओबद्दल जाणून घेऊया...

दरम्यान, संसदेच्या अर्थसंकल्पीय अधिवेशनाचा आज शेवटचा दिवस आहे. संसदेत अधिवेशनादरम्यान सत्ताधारी आणि विरोधक यांच्यात घमासाना पाहायला मिळाले. दरम्यान, वायएसआर काँग्रेस पक्षाच्या खासदार माधवी गोदेती यांचा एक व्हिडिओ तूफान व्हायरल होत आहे, ज्यामध्ये त्या आपल्या बाळाला घेऊन संसदेत आल्याच्या दिसत आहेत. विशेष म्हणजे, त्या आपल्या बाळाला पंतप्रधान मोदींना भेटवण्यासाठी संसदेत घेऊन आल्या आहेत.

दुसरीकडे, 2019 च्या सार्वत्रिक निवडणुकीत वायएसआर काँग्रेस पक्षाच्या तिकीटावर माधवी गोदेती आंध्र प्रदेशातील अराकू येथून लोकसभेवर निवडून आल्या. आंध्र प्रदेशातील त्या सर्वात तरुण खासदार आहेत. त्या शारीरिक शिक्षणाच्या शिक्षिका आहेत. त्यांचे वडील स्वर्गीय गोदेती डेमुडू हे कम्युनिस्ट नेते आणि माजी आमदार होते.