Social Media Viral Video: सोशल मीडियावर दररोज हजारो व्हिडिओ व्हायरल होतात, त्यापैकी काही जुगाडाचे तर काही गमती-जमतीचे असतात. सध्या असाच एक व्हिडिओ सोशल मीडियावर धुमाकूळ घालत आहे, जो पाहाणाऱ्यांना हसू आवरणे कठीण झाले आहे. या व्हिडिओमध्ये एका बाईकवर बसलेली महिला तिच्यासोबत असलेल्या व्यक्तीला भर रस्त्यात बुक्क्यांनी मारहाण करताना दिसत आहे. हा व्हिडिओ मजेशीर असला तरी त्यातील घटना गंभीर आहे, पण व्हिडिओमध्ये लागलेल्या गाण्यामुळे तो अधिक व्हायरल झाला आहे.

आधी हा व्हिडिओ पाहा!

व्हिडिओमध्ये काय दिसले?

दरम्यान, हा व्हिडिओ 'एक्स' आणि इंस्टाग्रामवर व्हायरल झाला असून अनेक लोक तो शेअर करत आहेत. व्हिडिओमध्ये दिल्लीच्या नंबरप्लेटची एक बाईक रस्त्यावरुन पुढे जात असताना दिसत आहे, ज्यावर एक व्यक्ती (चालक) आणि एक महिला (मागील सीटवर) बसलेली आहे. अचानक, कोणत्यातरी गोष्टीवरुन मागच्या सीटवर बसलेली महिला खूप संतापते आणि बाईक चालवत असलेल्या पुरुषाला खाली उतरण्याचा इशारा करते. यानंतर ती त्याच्यावर एकसारख्या ठोशांचा वर्षाव करायला लागते.

हा सगळा प्रकार त्यांच्या मागून येणाऱ्या एका वाहनचालकाने आपल्या मोबाईलमध्ये रेकॉर्ड केला आणि तो सोशल मीडियावर व्हायरल केला. विशेष म्हणजे, या व्हिडिओमध्ये प्रसिद्ध बॉलिवूड गाणे 'ये वादा रहा' वाजताना दिसत आहे, जे व्हिडिओमधील मारहाणीच्या वास्तविक परिस्थितीच्या पूर्णपणे विरुद्ध आहे. त्यामुळे, 'रोमँटिक' गाणे आणि 'ऍक्शन' व्हिडिओचे हे मिश्रण लोकांना खूपच मजेशीर वाटत आहे आणि ते हा व्हिडिओ वारंवार पाहत आहेत.

सोशल मीडियावर प्रतिक्रियांचा पाऊस

हा व्हिडिओ 'एक्स' प्लॅटफॉर्मवर जवळपास 33 हजारांहून अधिक लोकांनी पाहिला असून यूजर्संनी यावर खूप मजेशीर प्रतिक्रिया दिल्या आहेत. एका युजरने गमतीने कमेंट केली की, "आता तू घरी चल, बाकीचे तिथे बघू." तर दुसऱ्या एका युजरने लिहिले, "जर बाईक पडली, तर लगेच 'मंगल भवन अमंगल हारी' होईल." तर तिसऱ्या एका युजरने म्हटले की, "या दोघांमधील भांडण थोडं जास्तच वाढलं आहे.

इंस्टाग्रामवरही लोकांनी यावर प्रतिक्रिया दिल्या. एका युजरने लिहिले, "बिचारे अंकल कसे मार खात आहेत, खूप दया येत आहे." तर दुसऱ्या एका युजरने या घटनेवर टीका करत म्हटले की, जर पुरुषाने हे कृत्य केले असते, तर ती घरगुती हिंसा ठरली असती. याशिवाय, 'पत्नीला माहेरुन जबरदस्तीने उचलून आणले वाटते', अशा गमतीशीर प्रतिक्रियाही यूजर्संनी दिल्या. त्याचवेळी, अनेक यूजर्संनी या घटनेवर टीकाही केली. हा व्हिडिओ मनोरंजक असला तरी सार्वजनिक ठिकाणी अशा प्रकारे हिंसक वर्तन करणे योग्य नाही अशी प्रतिक्रियाही काही यूजर्संनी दिली.