Vande Bharat Express प्रवास सुलभ आणि सुखकर होण्याच्या दृष्टीने सध्या देशभरात रस्ते, रेल्वे वाहतुकीत आमूलाग्र बदल होताहेत. नुकतेच पंतप्रधान नरेंद्र मोदी यांनी वंदे भारत एक्स्प्रेसचे उद्घाटन केले.

CSMT वरुन एक वंदे भारत ट्रेन नाशिक मार्गे शिर्डीला तर दुसरी मुंबईवरुन पुणे मार्गे सोलापूरला जाणार आहे. या रेल्वेचे अनेकांना आकर्षण असून विमानासारख्या सुविधा या रेल्वेत देण्यात आल्या आहेत.

नाशिकच्या रामकुंड आणि त्र्यंबकेश्वरला मोठ्या प्रमाणात येणाऱ्या भाविकांच्या दृष्टीने आणि पुढे शिर्डीला जाणाऱ्या भाविकांसाठी ही वंदे भारत एक्सप्रेस महत्वाची ठरणार असून जलद वेगाने प्रवास होणार असल्याने वेळेची बचत होणार आहे.

मुंबई ते शिर्डी जवळपास 343 किलोमीटरचे अंतर आहे. यामध्ये सकाळी सहा वाजून पंधरा मिनिटांनी वंदे भारत ट्रेन सुटणार आहे. तर शिर्डीत ही ट्रेन दुपारी साडेकरा वाजता दाखल होणार आहे.

वंदे भारत एक्सप्रेसमध्ये या आहेत सुविधा:-

• या ट्रेनमध्ये प्रत्येक सीटसाठी स्वतंत्र मोबाईल चार्जिंगची सुविधा

• जेवण किंवा नाश्ता करण्यासाठी फोल्डेबल कॉम्पॅक्ट टेबल

• लोणावळा घाटासह विविध दृश्य पाहण्यासाठी रोटेट चेअरही आहे

• मोबाईल किंवा कॅमेरात विहंगम दृश्य टिपण्याचा आनंद

• मुंबईहून सोलापूरला ही ट्रेन केवळ साडेसहा तासात पोहोचते

• या ट्रेनमध्ये चेअर कार आणि एक्झिक्यूटिव्ह कार अशा दोन प्रकारच्या बोगी आहेत.