भारत आणि दक्षिण आफ्रिका यांच्यातील पहिला एकदिवसीय सामना रांचीच्या जेएससीए स्टेडियमवर खेळला जात आहे. नाणेफेक गमावून प्रथम फलंदाजी करण्याचा निर्णय घेतल्यानंतर, माजी भारतीय क्रिकेट कर्णधार विराट कोहलीने शानदार फलंदाजी करत शतक झळकावले आहे.
कोहलीचे हे ८३ वे एकदिवसीय शतक आहे. हे वादळी शतक २८० दिवसांच्या अंतरानंतर आले आहे. विराट कोहली रांचीमध्ये शानदार फलंदाजी करत आहे, षटकार आणि चौकार मारत आहे.
या सामन्यात एक हृदयाला भिडणारी घटना घडली. कोहली शतक साजरा करत असतानाच एका उत्साही चाहत्याने सुरक्षेची कडी भेदून थेट मैदानात प्रवेश केला. कोहलीसमोर पोहोचताच त्या चाहत्याने त्याला साष्टांग नमस्कार केला. या प्रसंगाचा व्हिडिओ व्हायरल झाला आहे.
दक्षिण आफ्रिकेविरुद्धच्या पहिल्या एकदिवसीय सामन्यात विराट कोहलीने शानदार फलंदाजी केली आणि शतक झळकावले. "रन मशीन" म्हणून ओळखल्या जाणाऱ्या कोहलीने रांचीमध्ये फक्त १०२ चेंडूत आपले शतक पूर्ण केले. त्याने १००.९८ च्या स्ट्राईक रेटसह सात चौकार आणि पाच षटकार मारले. हे विराटचे ५२ वे एकदिवसीय शतक आणि ८३ वे आंतरराष्ट्रीय शतक होते.
रांची येथे विराट कोहलीचे शतक हे त्याचे ८३ वे आंतरराष्ट्रीय शतक होते. त्याचे मागील शतक २३ फेब्रुवारी २०२५ रोजी चॅम्पियन्स ट्रॉफीमध्ये पाकिस्तानविरुद्ध होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.