Social Media Viral Video: सोशल मीडियावर दररोज नवनवीन व्हिडिओ अपलोड होतात. पण या व्हिडिओपैकी तेच व्हिडिओ व्हायरल होतात जे अतरंगी आणि अनोखे असतात. यातही जुगाडाचे व्हिडिओ असतील तर लोक असे व्हिडिओ पाहणे जास्त पसंद करतात. सध्या असाच एक अतरंगी जुगाडू असलेला व्हिडिओ मोठ्या प्रमाणात व्हायरल होत आहे, जो पाहून नेटकऱ्यांनी डोक्याला हात लावला आहे.

आधी हा व्हिडिओ पाहा!

जुगाडू व्हिडिओ व्हायरल

सध्या व्हायरल होत असलेल्या व्हिडिओमध्ये (Video) एका ट्रॅक्टर आणि ट्रॉलीच्या मदतीने विजेचा ट्रान्सफॉर्मर (Transformer) खाली उतरवण्याचे किंवा त्याला हलवण्याचे काम सुरु असल्याचे दिसत आहे. ट्रान्सफॉर्मर उचलण्यासाठी त्यावर एक मोठी साखळी (Chain) आणि हुक (Hook) लावलेला आहे. या कामादरम्यान सुरक्षिततेसाठी किंवा आधार देण्यासाठी एका दोरीचा (Rope) वापर केला गेला आहे. ही दोरी ट्रान्सफॉर्मर उचलणाऱ्या पोलवरुन खाली येत आहे. ही दोरी बांधणाऱ्या व्यक्तीने जे 'अतरंगी' डोके लावले आहे, त्यामुळेच हा व्हिडिओ व्हायरल झाला. त्याने ती जाड दोरी चक्क शेतात उगवलेल्या एका लहान रोपाला (Crop Plant) बांधली.

ट्रान्सफॉर्मरला आधार देण्यासाठी इतक्या हलक्या आणि कमकुवत रोपाचा आधार घेणे, हे पाहून अनेकांना हसू आवरले नाही.

नेटकऱ्यांच्या भन्नाट प्रतिक्रिया

दोरी बांधणाऱ्या व्यक्तीचा हा अतरंगी जुगाड सोशल मीडियावर (Social Media) चर्चेचा विषय बनला. हा व्हिडिओ mahavir_vaishnav_photography नावाच्या इन्स्टाग्राम अकाऊंटवर पोस्ट करण्यात आला आहे. व्हिडिओवर 'रस्सी बांधने वाले भाई को 21 तोपों की सलामी', असे उपरोधिक कॅप्शन लिहिले.

हा व्हिडिओ आतापर्यंत 10 हजारांहून अधिक लोकांनी पाहिला. विशेष म्हणजे, नेटकऱ्यांनी यावर भन्नाट प्रतिक्रिया दिल्या.

• एका युजरने कमेंट केली, "या दोरी बांधणाऱ्या व्यक्तीला भारतरत्न पुरस्काराने सन्मानित करा."

• दुसऱ्या एका युजरने 'बुडत्याला काडीचा आधार' या म्हणीचा संदर्भ देत लिहिले, "बुडत्याला काडीचा आधार, नेहमी ऐकले होते, आज बघितले देखील."

• अनेक यूजर्संनी हसण्याचे इमोजी पोस्ट करत हा व्हिडिओ अतिशय मनोरंजक असल्याचे म्हटले.

अशा प्रकारे, थोडीही सुरक्षितता न पाहता केलेला हा ग्रामीण 'जुगाड' सध्या सोशल मीडियावर लोकांचे मनोरंजन करत आहे.