Mohammad Nadeem Dainik Gomantak
देश

UP ATS ने जैशच्या संशयित दहशतवाद्याला केले अटक, 'नुपूर शर्मांना मारण्यासाठी...'

Mohammad Nadeem: जैश-ए-मोहम्मद आणि पाकिस्तानची संघटना तहरीक-ए-तालिबानशी संबंधित एका संशयित दहशतवाद्याला अटक केली आहे.

दैनिक गोमन्तक

UP ATS: यूपी एटीएसने 15 ऑगस्टपूर्वीच सहारनपूरमधून जैश-ए-मोहम्मद आणि तहरीक-ए-तालिबानशी संबंधित एका संशयित दहशतवाद्याला अटक केली आहे. एटीएसने सहारनपूरमधील गंगोह येथे राहणारा दहशतवादी मोहम्मद नदीम याला अटक केली आहे. एटीएसने मोहम्मद नदीमकडून विविध प्रकारचे आयईडी आणि बॉम्ब बनवण्यासाठी फिदाई फोर्सचे प्रशिक्षण साहित्य जप्त केले आहे. जैशच्या वतीने नुपूर शर्माला मारण्याचे काम त्याला देण्यात आल्याचे नदीमने चौकशीदरम्यान सांगितले, असा दावा पोलिसांनी केला आहे.

पोलिसांनी हा मोठा दावा केला

नदीम जैश-ए-मोहम्मद (Jaish-E-Mohammed) आणि तहरीक-ए-तालिबान या संघटनेतील दहशतवाद्यांशी थेट संपर्कात होता, असा दावा पोलिसांनी केला आहे. तो फिदाईन हल्ल्याच्या तयारीत होता. नदीमच्या मोबाईलमधून फिदाईन स्फोटाशी संबंधित पीडीएफ फाइलही सापडली आहे. त्याच्या मोबाईलवरुन जैश-ए-मोहम्मद आणि टीटीपीच्या दहशतवाद्यांकडून चॅट, व्हॉईस मेसेज मिळाले आहेत.

फिदाईन हल्ल्याची तयारी

व्हॉट्सअ‍ॅप, टेलिग्राम, आयएमओ, फेसबुक मेसेंजर, क्लबहाऊसच्या माध्यमातून नदीमचा जैश आणि टीटीपी दहशतवाद्यांशी संबंध असल्याचा दावा पोलिसांनी (Police) केला आहे. त्याने दहशतवाद्यांसाठी 30 पेक्षा जास्त व्हर्च्युअल नंबर, सोशल मीडिया आयडी बनवले होते. टीटीपीच्या पाकिस्तानी दहशतवाद्याने नदीमला सोशल मीडियाच्या माध्यमातून फिदाईन हल्ल्याचे प्रशिक्षण दिल्याचे पोलिसांनी सांगितले.

पोलिसांनी दिलेल्या माहितीनुसार, मोहम्मद नदीमने चौकशीदरम्यान सांगितले की, 'पाकिस्तान (Pakistan) आणि अफगाणिस्तानमध्ये कार्यरत असलेले JeM आणि TTP दहशतवादी मला विशेष प्रशिक्षणासाठी बोलावत होते. ज्यावर मी व्हिसा घेऊन पाकिस्तानात जायचो आणि जैश-ए-मोहम्मदकडून प्रशिक्षण घेऊन यायचो.'

नदीमने चौकशीदरम्यान कबूल केले की, 'जैश-ए-मोहम्मद आणि तहरीक-ए-तालिबानच्या दहशतवाद्यांनी नुपूर शर्माला मारण्याचे काम मला दिले होते.' भाजपच्या निलंबित प्रवक्त्या नुपूर शर्मा हजरत पैगंबर यांच्यावर केलेल्या कथित वादग्रस्त वक्तव्यामुळे चर्चेत आल्या. नदीमने आपल्या काही भारतीय संपर्कांची माहितीही एटीएसला दिली आहे. त्यावरुन पुढील तपास सुरु आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Konkan Culture: कोकणातली अनोखी परंपरा! नागपंचमीला लहानथोर रंगतात 'भल्ली भल्ली भावय'च्या खेळात, रंगतो वाघ-नागाचा खेळ

कोल्हापूर-गोवा मार्ग तिसऱ्यांदा वाहतुकीस बंद, पावसामुळे खोळंबा; प्रवाशांची मोठी गैरसोय!

Goa Waterfall Ban: दक्षिण गोव्यात 'नो एंट्री' झोन! नद्या, धबधबे आणि खाणींमध्ये पोहण्यास बंदी; जिल्हाधिकाऱ्यांकडून आदेश जारी

SBI Manager कामासाठी गोव्यात आली अन् मुंबईच्या घरातून चोरी झाली लाखोंची थार

Ganesh Idol: '..फिरत्या चाकावरती देशी मातीला आकार'! पार्सेतील कुटुंब रंगलंय चित्रशाळेत; श्री गणरायाच्या आगमनाची लगबग

SCROLL FOR NEXT