Muslim Conversion To Hindu: रुबिनाची पुष्पा बनलेल्या या महिलेने आयुष्यात अनेक चढ-उतार पाहिले. हे प्रकरण उत्तर प्रदेशातील बरेली येथील असल्याचे सांगण्यात येत आहे. वास्तविक रामपूरमध्ये राहणारी रुबीना आणि हल्द्वानीमध्ये राहणारा शोएब यांचा प्रेमविवाह झाला होता. दोघांनाही 3 मुले आहेत. मात्र लग्नानंतर काही वर्षांनी दोघांमध्ये वाद वाढू लागले. रुबिनाचा नवरा तिच्यावर संशय घेत असे.

काय आहे संपूर्ण प्रकरण?

पाच वर्षांपूर्वी रुबीनाची प्रेमपालशी भेट झाली आणि दोघांच्या मैत्रीचे प्रेमात कधी रुपांतर झाले ते कळलेच नाही. दरम्यान, वाद सुरु असतानाच शोएबने रुबीनाला घटस्फोट (Divorce) दिला. यानंतर रुबिना पुन्हा संसाराची स्वप्ने रंगवू लागली.

धर्मांतर करण्याचा निर्णय

रिपोर्टनुसार, प्रेमपालसोबत लग्न करण्यासाठी रुबिनाने धर्म परिवर्तन केले. आता रुबिनाची ती पुष्पा देवी बनली. या दोघांनी उत्तर प्रदेशातील (Uttar Pradesh) बरेली येथे हिंदू रितीरिवाजांनुसार लग्न केले. दोघांनी सात फेरे घेतले. पुष्पा बनलेल्या रुबिनाने भूतकाळाला गूडबाय करत पुढे जाण्याचा निर्णय घेतला.

आनंदाने जगायचे आहे

पहिले लग्न तिच्या मनाप्रमाणे करुनही तिला खूप त्रास सहन करावा लागला, मग तो शारीरिक असो वा मानसिक छळ. मात्र आता रुबिनाने आपल्या आयुष्याची नव्याने सुरुवात केली. रुबिनाने जुन्या सगळ्या वाईट आठवणी पुसून टाकल्या आणि आपले पुढचे आयुष्य आनंदात घालवण्याचा निर्णय घेतला.