पूर्व दिल्ली महानगरपालिकेने आजारी आणि कमकुवत झाडांच्या उपचारासाठी एक नवीन योजना आखली आहे. पूर्व दिल्ली महानगरपालिकेने आजारी आणि कमकुवत झाडांवर उपचार करण्यासाठी वृक्ष रुग्णवाहिका सेवा सुरू केली आहे.

ही मोहीम यशस्वी करण्यासाठी कर्मचाऱ्यांना प्रशिक्षणही देण्यात आले आहे. झाडांच्या (Trees) रूग्णवाहिकेच्या आत हायड्रोलिक लिफ्टही बसवण्यात आली आहे, जेणेकरून उंचीवर जाऊन झाडांवर उपचार करता येतील.

पूर्व दिल्ली (Delhi) महानगरपालिकेच्या उद्यान विभागाचे संचालक राघवेंद्र सिंह यांनी सांगितले की, दिल्ली उच्च न्यायालयाच्या आदेशानंतर ही 'ट्री अ‍ॅम्ब्युलन्स' सुरू करण्यात आली आहे. या रुग्णवाहिकेसाठी हेल्पलाइन क्रमांकही जारी करण्यात आला आहे. 155303 या क्रमांकावर संपर्क करून लोक त्यांच्या आजूबाजूच्या आजारी झाडांची माहिती महामंडळाला देऊ शकतात. त्यानंतर झाडांच्या स्थितीची पाहणी केल्यानंतर पथक त्यावर उपचार करेल.