Tomato Price Hike: टोमॅटोच्या सततच्या वाढत्या किमतीचा फटका सर्वसामान्यांनाच बसत नाही तर त्याचा थेट परिणाम लोकांच्या कौटुंबिक जीवनावरही होत आहे. मध्य प्रदेशातील शाहडोल जिल्ह्यातील धनपुरी पोलीस स्टेशन हद्दीतील बेमाहोरी गावात याचीच प्रचिती आली आहे.

भाजीत टोमॅटो टाकल्यावर बायको चिडली

दरम्यान, बेमाहोरी गावात राहणाऱ्या संजीवकुमार वर्मा यांच्या कौटुंबिक जीवनावर टोमॅटोचा थेट परिणाम झाला आहे. संजीव यांनी भाजीत महागडे टोमॅटो (Tomato) टाकले. या गोष्टीवर त्‍यांची बायको इतकी चिडली की ती रागावून तडक घर सोडून निघून गेली.

नवऱ्याने 'ही' शपथ घेतली

दुसरीकडे, पत्नी गेल्यानंतर पतीने टोमॅटोचा कधीचं वापर करणार नसल्याची शपथ घेतली, प्रकरण पोलिस ठाण्यात पोहोचले. टोमॅटोमुळे रागावून घरातून निघून गेलेल्या पत्नीच्या शोधात पोलिसांची मदत मिळावी, अशी तक्रार संजीवने धानपुरी पोलिस ठाण्यात दिली आहे.

संजीव ढाबा चालवतात

संजीव वर्मा एक छोटा ढाबा चालवतात, तसेच टिफिनचेही काम करतात. दोन दिवसांपूर्वी त्यांनी पत्नीला न विचारता भाजीत टोमॅटो टाकले, हा प्रकार त्यांच्या पत्नीला समजताच ती संतप्त झाली आणि तिने आपल्या लहान मुलीसह (Girl) पतीचे घर सोडले.