आंध्र प्रदेशातील नेल्लोर जिल्ह्यातील कोर्टातच चोरी झाली. पोलिसांनी दिलेल्या माहितीनुसार, चोरट्यांनी एक बॅग चोरली. बॅगेत लॅपटॉप, आयपॅड आणि तीन मोबाईल होते. या लॅपटॉप, आयपॅड आणि सेल फोनमध्ये कृषिमंत्री काकाणी गोवर्धन यांच्याविरुद्ध मानहानीच्या खटल्याचे पुरावे होते. (Theft in court in Andhra Pradesh)

दोन आरोपींची चौकशी
याप्रकरणी 13 एप्रिल रोजी तक्रार दाखल करण्यात आल्याचे पोलिसांनी (Police) सांगितले. पोलिस दोघांना ताब्यात घेऊन चौकशी करत आहेत. चोरट्यांनी रिकामी बॅग न्यायालयाजवळ फेकून दिल्याचे अधिकाऱ्यांनी सांगितले. लवकरच मुख्य आरोपींनाही जेरबंद करण्यात येईल, असे ते म्हणाले.

2016 पासून खटला सुरू आहे
गोवर्धन रेड्डी यांनी यापूर्वी तत्कालीन टीडीपी मंत्री सोमिरेड्डी चंद्रमोहन रेड्डी यांच्यावर एक हजार कोटी रुपयांहून अधिक संपत्ती निर्माण केल्याचा आरोप केला होता. यानंतर 2016 मध्ये सोमिरेड्डी चंद्रमोहन रेड्डी यांनी गोवर्धन रेड्डी यांच्यावर मानहानीचा खटला दाखल केला होता. हाच खटला न्यायालयात प्रलंबित होता, मात्र सरकारमध्ये मंत्री झाल्यानंतर केवळ तीन दिवसांतच 10 एप्रिल रोजी त्यांच्याविरोधातील पुरावे न्यायालयातून (Court) चोरीला गेले. चोरीला गेलेल्या बॅगमध्ये गोवर्धन रेड्डी यांच्या विरोधात पुरावे असल्याची पुष्टी एका अधिकाऱ्याने केली आहे.