Drugs Case सागरी मार्गाने आणि डार्कनेटच्या माध्यमातून तस्करी वाढली असताना भारतात गत पाच वर्षांत अंमलीपदार्थ जप्तीचे प्रमाण वाढल्याचे निरीक्षण संयुक्त राष्ट्रांच्या आंतरराष्ट्रीय अमलीपदार्थ नियंत्रण मंडळाने नोंदविले आहे.

तसेच, अंमलीपदार्थांचे उत्पादन रोखण्यासाठी भारताने केलेल्या नियमांचीही दखल ‘आयएनसीबी’ने घेतली.‘आयएनसीबी’ने 2022 या वर्षासाठीचा आपला अहवाल आज सादर केला. या अहवालानुसार, जगभरात सागरी मार्गाने अंमलीपदार्थांची तस्करी करण्याचे प्रमाण वाढले आहे.

मनोविकाराला कारणीभूत ठरणाऱ्या अमलीपदार्थांच्या एकूण उत्पादनापैकी ८० टक्के उत्पादन पाच देशांमध्येच होते. त्यापैकी सर्वाधिक २४ टक्के उत्पादन भारतात होते, तर त्यानंतर चीन (२१ टक्के), अमेरिका (१८ टक्के), इटली (११ टक्के) आणि जर्मनी (७ टक्के) या देशांचा क्रमांक लागतो.

िंथेटिक ड्रग्जची वाढती मागणी : जगभरात फार्मास्युटिकल ओपिऑइड्‌स, बेकायदा पद्धतीने उत्पादन केलेले मेथांम्फेटॅमिन, एमडीएमए, किटामाइन यासारख्या सिंथेटिक ड्रग्जची मागणी वाढत आहे. या अंमलीपदार्थांचे बेकायदा उत्पादन करून त्यांचा जगभरात प्रसार करण्याचा तस्करांचा डाव असल्याचे अहवालात म्हटले आहे.