Jammu And Kashmir: जम्मू-काश्मीरमध्ये पुन्हा एकदा भारतीय लष्करावर दहशतवादी हल्ला झाल्याची घटना समोर आली आहे. इथे पूंछ सेक्टरमध्ये लष्कराच्या वाहनावर हल्ला करण्यात आला. शुक्रवारी संध्याकाळी झालेल्या या हल्ल्यानंतर दहशतवाद्यांचा शोध घेण्यासाठी खोऱ्यात लष्कराचे सर्च ऑपरेशन सुरु आहे.
शुक्रवारी संध्याकाळी संशयित दहशतवाद्यांनी जंगल परिसरात लष्कराच्या वाहनावर गोळीबार केल्यानंतर सर्च ऑपरेशन सुरु करण्यात आल्याचे समोर आले आहे. या हल्ल्यात कोणीही जखमी झाले नाही आणि सुरक्षा दलांनीही प्रत्युत्तरादाखल कारवाई सुरु केली. यासोबतच संशयास्पद हालचाली निदर्शनास आल्यानंतर सुरक्षा दलाने पूंछ जिल्ह्यातील कृष्णा घाटी सेक्टरमध्ये मोठ्या प्रमाणावर ऑपरेशन सुरु केले.
याआधी 21 डिसेंबर 2023 रोजी मोठा दहशतवादी हल्ला झाला होता. राजौरी येथे हा हल्ला झाला, ज्यात लष्कराचे 4 जवान शहीद झाले, तर तीन जवान जखमी झाले. दहशतवाद्यांनी लष्कराच्या दोन वाहनांवर हल्ला केल्याचे अधिकाऱ्यांनी सांगितले होते. सशस्त्र दहशतवाद्यांनी लष्कराच्या वाहनांवर हल्ला केला होता. जम्मू-स्थित संरक्षण पीआरओ लेफ्टनंट कर्नल सुनील बारटवाल यांनी सांगितले की, दहशतवाद्यांच्या उपस्थितीबद्दलच्या गुप्त माहितीच्या आधारे आदल्या रात्री थानमंडी-सुरनकोट भागातील ढेरा की गली या भागात संयुक्तपणे सर्च ऑपरेशन सुरु करण्यात आले होते. यानंतर तिथे चकमक सुरु झाली. 21 डिसेंबर रोजी दुपारी 3.45 च्या सुमारास लष्कराच्या दोन गाड्या ऑपरेशनच्या ठिकाणी पोहोचल्या होत्या, ज्यावर दहशतवाद्यांनी गोळीबार केला. यानंतर लष्कराने देखील कारवाई सुरु केली होती. या कारवाईदरम्यान लष्कराचे 4 जवान शहीद झाले होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.