Madhya Pradesh Crime: मध्य प्रदेशातील इंदूरमध्ये माणुसकीला काळीमा फासणारी घटना समोर आली आहे. इथे एका 70 वर्षीय महिलेच्या मृतदेहावर बलात्कार केल्याप्रकरणी मुलाविरुद्ध गुन्हा दाखल करण्यात आला आहे. मुलाने सार्वजनिक ठिकाणी बलात्कार केल्याचा व्हिडिओ समोर आला होता. पोलिसांनी सांगितले की, मृत महिलेच्या मुलाने तिच्यावर दोनदा बलात्कार केला. ही बाब उघडकीस आल्यानंतर पोलिसांनी मुलाला वैद्यकीय तपासणीसाठी पाठवले.

दरम्यान, या प्रकरणाची माहिती देताना पलासिया पोलीस ठाण्याचे प्रभारी जगदीश प्रसाद जामरे यांनी सांगितले की, बाडी ग्वालटोली परिसरातील एका गल्लीत 22 वर्षीय तरुणाने आपल्या 70 वर्षीय आईच्या मृतदेहावर बलात्कार केल्याचा आरोप आहे. 1 आणि 2 डिसेंबरच्या रात्री मुलाने हे घृणास्पद कृत्य केले. जामरे यांनी पुढे सांगितले की, घटनेची माहिती मिळताच पोलीस आरोपीपर्यंत पोहोचले असता त्यांना तो मानसिकदृष्ट्या ठीक नसल्याचे समजले. या प्रकरणाची माहिती देताना पोलिसांनी सांगितले की, वृद्ध महिलेला फुफ्फुसाच्या आजारामुळे श्वास घेण्यास त्रास होत असल्याने तिला शासकीय महाराजा यशवंतराव रुग्णालयात दाखल करण्यात आले होते. तिच्या मृत्यूनंतर तिच्या मुलाने तिचा मृतदेह रुग्णालयातून नेला. स्टेशन प्रभारींनी सांगितले की, वृद्ध महिलेच्या मृतदेहाचे पोस्टमॉर्टम करण्यात आले आहे. आरोपीला वैद्यकीय तपासणीसाठी पाठवण्यात आले असून त्याला अद्याप अटक करण्यात आलेली नाही.

दुसरीकडे, या प्रकरणी आरोपीविरुद्ध भारतीय दंड संहितेच्या कलम 297 नुसार गुन्हा दाखल करण्यात आला आहे. या प्रकरणाचा तपास करणार्‍या आणखी एका पोलिस अधिकाऱ्याने सांगितले की, घटनास्थळाजवळील वसतिगृहात राहणाऱ्या दोन विद्यार्थिनींनी एका वृद्ध महिलेच्या मृतदेहावर तिच्याच मुलाने केलेल्या कथित बलात्काराचा व्हिडीओ बनवून पोलिसांना माहिती दिली होती. माहिती मिळताच पोलिसांनी आरोपी मुलाविरुद्ध गुन्हा दाखल केला.