कर्नाटक: बेळगावातून एक धक्कादायक घटना समोर आली आहे. जोशी मळा येथील कुराडेकर  कुटुंबीयांनी सामूहिक आत्महत्येचा प्रयत्न केला, यातील तीन जणांचा मृत्यू झाला असून, एका महिलेची प्रकृती गंभीर आहे. महिलेला उपचारासाठी रुग्णालयात दाखल करण्यात आले आहे.

मिळालेल्या माहितीनुसार, जोशी मळा – बेळगाव येथील संतोष कुराडेकर, सुवर्णा कुराडेकर, मंगला कुराडेकर,आणि सुनंदा कुराडेकर यांनी आत्महत्येचा प्रयत्न केला. यातील संतोष, सुवर्णा आणि मंगला यांचा झाला मृत्यू  झाला आहे. तर, सुनंदा यांची प्रकृती गंभीर असून, त्यांना उपचारासाठी रुग्णालयात दाखल करण्यात आले आहे. सर्वांनी विष प्राशन करुन जीवन संपविण्याचा प्रयत्न केला.

मृतांमध्ये आई, मुलगा आणि मुलगी यांचा समावेश असल्याची प्राथमिक माहिती समोर आली आहे. आत्महत्येमागील नेमके कारण अद्याप समजू शकलेले नाही. दरम्यान, घटनेची माहिती मिळताच शहापूर पोलिस स्थानकाचे पोलिस घटनास्थळी दाखल झाले असून, घटनेचा अधिक तपास केला जात आहे. कुराडेकर कुटुंबीयांनी टोकाचे पाऊल का उचलेले याबाबत अधिक तपास केला जात आहे. या घटनेमुळे परिसरात खळबळ निर्माण झाली आहे.