Shashi Tharoor Manifesto: काँग्रेस अध्यक्षपदाच्या निवडणूकीची रणधुमाळी सध्या सुरू आहे. अध्यक्षपदाच्या निवडणुकीसाठी काँग्रेस खासदार शशी थरूर (Shashi Tharoor) यांनी आज उमेदवारी अर्ज दाखल केला. पण, थरूर यांनी प्रसिद्ध केलेल्या जाहीरनाम्यात मोठी चूक झाल्याने वाद निर्माण झाला आहे. थरूर यांच्या जाहीरनाम्यात देशाचा नकाशाच चुकीच्या पद्धतीने दाखविण्यात आल्याने अनेकांनी संतप्त प्रतिक्रिया व्यक्त केल्या आहेत.

(Shashi Tharoor Makes Map Blunder In Manifesto For Congress Polls, Corrects After Row)

काँग्रेस अध्यक्षपदासाठी अर्ज दाखल करण्याची आज शेवटचा दिवस होता. अध्यक्षपदासाठी ऐनवेळी मल्लिकार्जुन खर्गे नाव समोर आले आणि दिग्विजय सिंह यांनी माघार घेतली. त्यामुळे शशी थरूर आणि मल्लिकार्जुन खर्गे (Mallikarjun Kharge & Shashi Tharoor) आणि निवडणूकीसाठी आपला अर्ज दाखल केला. याशिवाय झारखंड येथील काँग्रेस नते के. एन त्रिपाठी (K.N Tripathi) यांनी देखील उमेदवारी अर्ज भरला.

शशी थरूर यांच्या जाहीरनाम्यामुळे वाद

उमेदवारी अर्ज भरल्यानंतर शशी थरूर यांचा जाहीरनामा जाहीर करण्यात आला. या जाहीरनाम्यात भारताचा नकाशा चुकीच्या पद्धतीने दाखविण्यात आला आहे. थरूर यांनी दाखवेल्या नकाशातून जम्मू-काश्मीर आणि लडाखचा भाग वगळण्यात आला आहे.

‘थिंक टुमारो, थिंक थरूर’ अशी टॅगलाइन असलेल्या थरूर यांच्या जाहीरनाम्यात, देशातील काँग्रेस प्रतिनिधित्व करणाऱ्या ठिपक्यांचे जाळे असलेला नकाशा तयार केला आहे. नकाशातून जम्मू-काश्मीर आणि लडाखचा काही भाग वगळण्यात आला आहे.

दरम्यान, या चूकीमुळे थरूर यांच्या जाहीरनाम्यावर नेटकरी चांगलेच संतापले आहेत. अनेकांनी या चुकीला लज्जास्पद असे म्हटले आहे. काहींनी त्यांच्यावर विभाजनचा आरोपही केला आहे. सोशल मिडियामधून होणाऱ्या टिकेनंतर शशी थरूर यांच्या कार्यालयामार्फत नंतर हा नकाशा सुधारण्यात आला.