मागील काही दिवसांपासून देशासह राज्यात राजकीय भेटीगाठींमुळे वातावरण चांगलेच ढवळून निघताना पाहायला मिळत आहे. या भेटींमुळे देशात (india) सध्या राजकीय घडामोडींनाही वेग आला आहे. त्यातच आज दिल्लीत (Delhi) झालेली एक भेटही महत्वाची ठरत आहे ती म्हणजे राष्ट्रवादी काँग्रेसचे अध्यक्ष शरद पवार (Sharad Pawar) आणि निवडणूक रणनितीकार प्रशांत किशोर (prashant kishor) यांची भेट. शरद पवार आणि प्रशांत किशोर यांच्यातील महिना भरातील दुसरी भेट झाली आहे. त्यामुळे आता अनेकांच्या भुवया उंचावल्या आहेत. या भेटीत नेमकं काय दडलंय याची उत्सुकताही अनेकांना लागली आहे. (Sharad Pawar and Prashant Kishor meet again in Delhi Political churches abound)

महाराष्ट्राचं राजकारण बदलतंय? पंतप्रधान मोदींनी केली शरद पवारांच्या प्रकृतीची...

राष्ट्रवादीचे अध्यक्ष आणि खासदार शरद पवार काल दिल्लीला (Delhi) रवाना झाले आहेत. ३ दिवसांच्या त्यांच्या या दौऱ्यात ते कोणत्या नेत्यांना भेटणार याची चर्चा सध्या सुरु आहे. अशातच ही भेट म्हणजे देशात तिसऱ्या आघाडीच्या स्थापनेला सुरुवात झाली आहे का? असा प्रश्न आता अनेकांना पडतोय कारण मागील काही दिवसांपूर्वीच म्हणजेच 11 जूनला शरद पवार यांच्या मुंबईच्या (Mumbai) सिल्व्हर ओक या निवासस्थानी प्रशांत किशोर यांनी पवारांची भेट घेतली होती. या त्यांच्या भेटीनंतर राजकीय वर्तृळात चर्चांना उधाण आले होते. दरम्यान, आजच्या प्रशांत किशोर आणि शरद पवारांच्या भेटीचा नेमका अर्थ काय आहे हे समजणे महत्वाचे आहे.