Rajasthan: प्रेम आणि युद्धचे वर्णन करताना 'एव्हरीथिंग इज फेअर इन लव्ह अँड वॉर' असे म्हटले जाते. म्हणजेच प्रेमात आणि युद्धात सर्व माफ असते. एखाद्यावर आपल प्रेम जडलं की ते मिळवण्यासाठी आपण काहीही करायला तयार असतो. प्रेमात श्रीमंत किंवा गरीब असा भेद मानला जात नाही. प्रेमाची अशीच एक घटना राजस्थान मधून समोर आली आहे. यात शाळेतील विद्यार्थिनीवर महिला शिक्षिकेचा जीव जडला आणि तिच्याशी लग्न करण्यासाठी शिक्षिकेने चक्क आपला लिंग बदल करून, तिच्याशी लग्न केले.

(Rajasthan teacher undergoes gender change surgery to marry student)

राजस्थानच्या (Rajasthan) भरतपूर मधील ही घटना आहे. भरतपूर येथील एका शाळेत मीरा नावाच्या महिला शिक्षिका शारीरिक शिक्षण हा विषय शिकवतात. त्याच शाळेत शिक्षण घेणारी कल्पना फौजदार (Kalpana Fouzdar) या विद्यार्थिनीवर मीरा यांचा जीव जडला. दोघांमधील प्रेम एवढं घट्ट होत गेलं की अखेर मिरा यांनी त्यांचे लिंग बदलण्याचा निर्णय घेतला. तीन शस्त्रक्रिया करून महिला मीरा यांचे आरव कुंतल (Aarav Kuntal) या पुरूषात रूपांतर झाले.

कल्पना शारीरिक शिक्षणाच्या तासाला शाळेत कबड्डी खेळायची. कल्पाना राष्ट्रीय ते आंतरराष्ट्रीय स्तरावर कबड्डी खेळली आहे. आरव (मीरा) यांना नेहमीच मुलगा व्हायचे होते. डिसेंबर 2019 मध्ये आरव यांच्यावरती पहिली शस्त्रक्रिया करण्यात आली. मिराचे आरव मध्ये रूपांतर होण्यासाठी त्यांच्यावर एकूण तीन शस्त्रक्रिया करण्यात आल्या. दोघांनाही अलिकडे लग्न केले असून, हा विषयावर सध्या देशात चर्चा होत आहे.