राजस्थानमधील झुंझुनू जिल्ह्यात एक अत्यंत दुर्दैवी दुर्घटना घडली आहे. रस्त्याच्या बांधकामाचे काम सुरू असताना ११ हजार व्होल्ट क्षमतेच्या उच्चदाब विद्युत वाहिनीचा धक्का बसल्याने आठ मजुरांचा मृत्यू झाल्याची माहिती समोर आली आहे. या घटनेमुळे परिसरात खळबळ उडाली असून, मृत मजुरांच्या कुटुंबीयांवर दुःखाचा डोंगर कोसळला आहे.

रस्त्याचे काम सुरू असताना काळाचा घाला

मिळालेल्या प्राथमिक माहितीनुसार, झुंझुनू जिल्ह्यात काही मजूर रस्त्याच्या बांधकामाचे काम करत होते. याचदरम्यान ११ हजार व्होल्ट क्षमतेच्या उच्चदाब विद्युत वाहिनीच्या संपर्कात आल्याने मोठी दुर्घटना घडली. विजेचा जोरदार धक्का बसल्याने आठ मजुरांचा मृत्यू झाल्याचे वृत्त आहे. तर ६ जण गंभीर झाले आहेत.