विधानसभा निवडणुकीच्या काळात पेट्रोल आणि डिझेलचे दर न वाढवल्याबद्दल काँग्रेसचे माजी अध्यक्ष राहुल गांधी यांनी केंद्र सरकारवर निशाणा साधला आहे. राहुल गांधी (Rahul Gandhi) यांनी शनिवारी ट्विट करत म्हटले की, 'जनतेने त्यांच्या गाडीची टाकी भरुन घ्यावी, कारण मोदी सरकारची 'इलेक्शन ऑफर' लवकरच संपणार आहे.' उत्तर प्रदेशसह (Uttar Pradesh) पाच राज्यांतील विधानसभा निवडणुकांमुळे (Assembly Elections) पेट्रोल आणि डिझेलच्या किमती गेल्या काही आठवड्यांपासून वाढलेल्या नसून निवडणुका संपल्यानंतर त्या वाढतील, असा दावा काँग्रेसने केला आहे. सध्या कच्च्या तेलाच्या किमतीनुसार पेट्रोल आणि डिझेलचे दर ठरवल्यास लिटरमागे 10 ते 12 रुपयांनी वाढ होऊ शकते, असेही अनेक अहवालांमधून सांगण्यात आले आहे. (Rahul Gandhi has criticized the central government)

दरम्यान, ICICI सिक्युरिटीजने अहवालात म्हटले आहे की, आंतरराष्ट्रीय कच्च्या तेलाच्या किमती दोन महिन्यांत वाढल्यामुळे, तेल कंपन्यांना खर्चाची पूर्तता करण्यासाठी 16 मार्च 2022 रोजी किंवा त्यापूर्वी इंधनाच्या किमती 12.1 प्रति लिटरने वाढवाव्या लागतील. तेल कंपन्यांच्या मार्जिनचाही विचार केल्यास लिटरमागे 15.1 रुपये दरवाढ करावी लागू शकते. गुरुवारी आंतरराष्ट्रीय कच्च्या तेलाच्या किमतीने प्रति बॅरल 120 डॉलरचा टप्पा ओलांडला होता, जो गेल्या नऊ वर्षांतील सर्वोच्च आहे.