narendra modi vaccine 
देश

 पंतप्रधान नरेंद्र मोदी यांनी घेतला कोरोना लसीचा दुसरा डोस

दैनिक गोमंतक

नवी दिल्लीः पंतप्रधान नरेंद्र मोदी यांनी आज कोरोना लसीचा दुसरा डोस घेतला असून त्यांनी ट्विटर अकाऊंटवरून फोटो शेर करत माहिती दिली. ''मी एम्स रुग्णालयात जाऊन कोव्हिड लसीचा दुसरा डोस घेतला आहे. कोरोना वरती मात करण्यासाठी उपलब्ध असलेल्या मोजक्या मार्गांपैकी लस हा एक मार्ग आहे'' तुम्ही लसीकरण करुन घेण्यासाठी पात्र असाल तर तात्काळ लस घेऊन टाका'', असा संदेश पंतप्रधान मोदी यांनी देशवासियांना दिला आहे. याअगोदरचा डोस  पहिला डोस त्यांनी 1 मार्चला घेतला होता. त्यांनी त्यावेळी भारत बायोटेकची कोव्हॅक्सिन ही लस टोचून घेतली होती. (Prime Minister Narendra Modi took the second dose of corona vaccine)


नरेंद्र मोदींचं स्वदेशी लस घेण्याला प्राधान्य
पंतप्रधान नरेंद्र मोदी यांनी स्वदेशी बनावटीच्या  कोव्हॅक्सीन लसीचे दोन डोस घेतले आहेत. सुरुवातीच्या टप्प्यात कोव्हॅक्सीनच्या सुरक्षिततेविषयी अनेकांच्या मनात शंका  होती, त्यामुळे लसीकरणाच्या पहिल्या टप्प्यात अनेक आरोग्य कर्मचाऱ्यांनी कोव्हॅक्सीन ही लस घेण्यास नकार दिला होता. त्यामुळे देशात मोठा पेच निर्माण झाला होता. मात्र, आता नरेंद्र मोदी यांनी स्वत: कोव्हॅक्सीन लस टोचून घेतल्याने या लसीविषयीची शंका दूर झाली आहे. परिणामी यामुळे लसीकरण मोहिमेचा वेगही वाढण्याचा अंदाज आहे. दरम्यान, देशात सध्या कोरोना रुग्णांची संख्या वेगात वाढत आहे. या पार्श्वभूमीवर पंतप्रधान नरेंद्र मोदी गुरुवारी सर्व राज्यांच्या मुख्यमंत्र्यांशी व्हिडीओ कॉन्फरन्सिंगद्वारे संवाद साधणार आहेत.


दरम्यान, राष्ट्रवादीचे अध्यक्ष शरद पवार यांनी देखील कोरोना लसीचा दूसरा डोस आपल्या मुंबईतील राहत्या घरी घेतला आहे. त्याचबरोबर महाराष्ट्राचे मुख्यमंत्री उद्धव ठाकरे यांनी देखील कोरोना लसीचा दुसरा डोस  घेतला असून त्यांनी पहिला डोस 11 मार्च रोजी घेतला होता.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT