JP Nadda Twitter Hacked: भाजपचे राष्ट्रीय अध्यक्ष आणि खासदार जेपी नड्डा यांचे ट्विटर अकाउंट आज सकाळी हॅक झाले होते. हॅकर्सनी आज अकाऊंट हॅक करून दोन ट्विटही केले. या ट्विटमध्ये, 'मी रशियाच्या लोकांसोबत आहे. आता क्रिप्टोकरन्सीचं दान स्वीकार करा, असं ट्विट करत लिंक शेअर करण्यात आल्या होत्या' त्यानंतर ''माफ करा, रशियाला मदत करण्यासाठी माझं ट्विटर अकाऊंट हॅक झालं आहे. कारण रशियाला मदतीची गरज आहे.' अशा आशयाचे ट्विट दुसऱ्याच मिनिटाला त्यांच्याच ट्विटरवरून करण्यात आलं. नंतर हॅकर्सनी प्रोफाइलचे नाव बदलून ICG OWNS INDIA केले. मात्र, आता ते ट्विट डिलीट करण्यात आले आहे.

आज सकाळीच भाजपचे राष्ट्रीय अध्यक्ष जे. पी नड्डा यांच्या ट्विटर अकाऊंटवरून मी रशियाच्या लोकांसोबत आहे. आता क्रिप्टोकरन्सीचं दान स्वीकार करा, असं ट्विट करत लिंक शेअर करण्यात आल्या होत्या. परंतु, याच ट्विटमध्ये खाली माझा युक्रेनच्या लोकांना पाठिंबा असून त्यांच्यासाठी देखील क्रिप्टोकरन्सीचं दान स्वीकार करा, असं हिंदीमध्येही लिहिलं होतं.