Bihar Crime: बिहारमधून एक धक्कादायक बातमी समोर येत आहे. किशनगंजच्या टेढागाछ पोलीस ठाण्याचे प्रमुख नीरज कुमार निराला यांनी एका महिलेला पोलीस ठाण्याच्या आवारात आठ दिवस ओलीस ठेवून शारीरिक अत्याचार केल्याची खळबळजनक घटना समोर आली आहे. याप्रकरणी तातडीने कारवाई करत एसपींनी स्टेशन प्रमुखाला निलंबित करुन अटकेचा आदेश जारी केला आहे.

दरम्यान, स्टेशन प्रमुख हा मूळचा मधेपुराचा रहिवासी आहे. तो किशनगंज जिल्हा पोलीस दलात पाच वर्षांपासून कार्यरत आहे. सुमारे सहा महिन्यांपूर्वी तो टेढागाछ पोलिस ठाण्यात रुजू झाला होता. दुसरीकडे, आरोपी महिलेची आई उत्तर प्रदेशातील (Uttar Pradesh) आंबेडकर नगर जिल्ह्यातील बाळापूर पोलीस ठाण्यात आहे. ती काही दिवसांपूर्वी ट्रेनने बिहारला आली होती.

या प्रकरणात मुख्य प्रतिनिधीचाही सहभाग आहे

महिलेने आरोप केला की, पोलीस (Police) ठाण्याच्या प्रमुखाने तिला पोलीस ठाण्यात ओलीस ठेवून आठ दिवस बलात्कार केला. महिलेने पुढे सांगितले की, पोलिस स्टेशनचे प्रमुख प्रतिनिधी आणि डाकपोखर पंचायतीचे मुख्य प्रतिनिधी मनोज यादव यांनी पोलिस ठाण्यात राहण्यासाठी दबाव आणला.

दुसरीकडे, महिलेने स्टेशन प्रमुखाविरुद्ध बलात्कारासह अन्य गंभीर कलमांतर्गत गुन्हा दाखल केला आहे. यासोबतच टेढागाछच्या डाकपोखर पंचायतीचे मुख्य प्रतिनिधी मनोज यादव यांच्याविरोधात एफआयआर दाखल करण्यात आला आहे.

तसेच, याप्रकरणी तात्काळ कारवाई करत एसपी डॉ. इनामुल हक मेंगानू यांनी टेढागाछ पोलिस स्टेशन प्रमुख नीरज यांना निलंबित करुन अटक करण्याचे आदेश दिले आहेत. आरोपी पोलिस प्रमुखावर विभागीय कारवाईही सुरु करण्यात आली आहे. गुन्हा दाखल होताच टेढागाछ पोलीस ठाण्याचे प्रमुख फरार झाले. आरोपी पोलिस ठाण्याचे प्रमुख 2009 बॅचचे निरीक्षक आहेत.