PM Narendra Modi: पंतप्रधान नरेंद्र मोदी यांनी शुक्रवारी गुजरातमधील हजिरा येथे 60 हजार कोटी रूपयांच्या आर्सेलर मित्तल निप्पॉन स्टील इंडियाच्या विस्तार योजनेचे अनावरण केले. या पोलाद प्रकल्पाच्या विस्तारामुळे गुंतवणूक तर वाढेलच पण भविष्यात रोजगाराच्या अनेक संधींचे द्वार खुले होणार आहे.

मोदी म्हणाले, पोलाद उद्योग जेव्हा मजबूत होतो तेव्हा पायाभुत सुविधांना देखील बळ मिळते. पोलाद उद्योगाचा विस्तार होणे म्हणजे, रस्ते, रेल्वे, विमानतळे आणि बंदरांचा विकास, विस्तार होतो. गेल्या आठ वर्षातील प्रयत्नांमुळे भारतातील पोलाद उद्योग हा जगातील सर्वात मोठा पोलाद उत्पादक उद्योग बनला आहे.

या उद्योगात विकासाच्या अनेक शक्यता आहेत. संपुर्ण जग आपल्याकडे आशेने पाहत आहे. भारत जगातील सर्वात मोठा मॅन्युफॅक्चरिंग हब बनण्याच्या दिशेने वेगाने प्रवास करत आहे. या क्षेत्राच्या विकासासाठी आवश्यक वातावरण तयार व्हावे यासाठी सरकार प्रयत्न करत आहे.

मोदी म्हणाले, पुर्वी आपण लढाऊ विमानांच्या पोलादासाठी परदेशातून आयातीवर अवलंबून होतो. देशातील पोलाद उद्योगाला नव्या उंचीवर नेण्यासाठी सरकार कटिबद्ध आहे. या पोलाद उद्योगामुळे भारताचे पोलादाबाबतचे परदेशावरील अवलंबित्व मोठ्या प्रमाणात कमी होणार आहे.

दरम्यान, आर्सेलर मित्तल आणि निप्पॉन स्टीलच्या या संयुक्त प्रकल्पातून वर्षाला 90 लाख टन कच्च्या पोलादाचे उत्पादन होत होते, ती क्षमता या विस्तारामुळे आता वर्षाला दीड लाख टन इतकी होणार आहे. या कंपनीने पर्यावरण विषयक परवानग्या यापुर्वीच घेतल्या आहेत.