आंध्र प्रदेशातील (Andhra Pradesh) गुंटूर (Guntur) जिल्ह्यातील तेनाली शहरातील कारागिरांनी स्क्रॅप (Scrap) लोखंडापासून पंतप्रधान नरेंद्र मोदींचा (Prime Minister Narendra Modi) 14 फूटांचा पुतळा बनवला आहे. कारागीर पिता आणि मुलगा जोडी कटुरी वेंकटेश्वर राव आणि रविचंद्र (Ravichandra) तेनाली शहरात 'सूर्य शिल्प शाला' चालवतात. हे दोन्ही पिता-पुत्र प्रामुख्याने लोखंडी कचऱ्यापासून म्हणजेच नट आणि बोल्टच्या सहाय्याने रद्दीपासून शिल्प बनवण्यासाठी प्रसिद्ध आहेत. कटुरी वेंकटेश्वर राव (Katuri Venkateswara Rao) म्हणाले की, भंगारातील लोखंडापासून मूर्ती बनवण्यास आम्हाला आंतरराष्ट्रीय स्तरावर ओळखले जाते. आम्ही गेल्या 12 वर्षांपासून सुमारे 100 टन लोखंडी स्क्रॅप वापरुन कलात्मक शिल्प बनवले आहे.

राव यांच्या म्हणण्यानुसार, पीएम मोदींचा पुतळा पूर्ण करण्यासाठी वेगवेगळ्या प्रकारच्या टाकाऊ साहित्याचा वापर करण्यात आला आणि सुमारे दोन महिने 10 ते 15 कामगारांनी रात्रंदिवस काम केले.

राव पुढे म्हणाले की, आम्ही एका दशकाहून अधिक काळापासून स्क्रॅप लोखंडापासून शिल्प बनवत आहोत. सिंगापूर, मलेशिया आणि हाँगकाँग सारख्या देशांमध्ये आम्ही आमच्या लोखंडी स्क्रॅप शिल्पांचे प्रदर्शन केले आहे. ते म्हणाले की, आम्ही नरेंद्र मोदीजींची मूर्ती लोखंडी स्क्रॅपपासून बनवली आहे. अनेक लोक ज्यांनी हे काम पाहिले आहे ते आमचे कौतुक करत आहेत.