नवी दिल्ली: केंद्र सरकारने शनिवारी (०२ ऑगस्ट) पात्र शेतकऱ्यांच्या खात्यात पंतप्रधान किसान सन्मान निधीचा २० वा हप्ता हस्तांतरित केला आहे. पंतप्रधान नरेंद्र मोदी यांच्या हस्ते बनारस येथून हा हप्ता ट्रान्सफर केला. या सर्व शेतकऱ्यांच्या खात्यात २००० रुपये पाठवण्यात आले आहेत. सरकारने ९.७ कोटींहून अधिक शेतकऱ्यांच्या खात्यात २०,५०० कोटी रुपये हस्तांतरित केले आहेत.

आधार कार्डद्वारे तपासा बॅलन्स (How To check PM Kisan balance?)

पीएम किसान सन्मान निधीच्या लाभार्थ्यांनी प्रथम पीएम किसान वेबसाइटवर जावे. त्यानंतर तेथे बेनिफिशअरी स्टेटसवर (Beneficiaey Status) क्लिक करा. आता तुमचा आधार क्रमांक आणि खाते क्रमांक विचारात टाका. तुम्ही दोघांपैकी कोणतीही माहिती देऊन पुढे जाऊ शकता. गेट डेटा वर क्लिक करताच, लाभार्थ्यांची यादी दिसेल. तसेच, पेमेंटचे तपशील दिसतील.

पैसे आले नाहीत तर काय करावे?

शेतकऱ्यांच्या खात्यात पैसे आले नाहीत त्यांना अधिक काळजी करण्याची गरज नाही. सर्वप्रथम, त्यांनी ई-केवायसी केले आहे की नाही ते तपासावे. जर ई-केवायसीची प्रक्रिया पूर्ण झाली नसेल तर प्रथम ती पूर्ण करावी. पैसे मिळण्यासाठी सरकारने ई-केवायसी अनिवार्य केली आहे.

शेतकऱ्यांना दरवर्षी मिळतात ६००० रुपये

प्रधानमंत्री किसान सन्मान निधी ही केंद्र सरकारची योजना आहे. त्याचा पहिला हप्ता २०१९ मध्ये हस्तांतरित करण्यात आला होता. तेव्हापासून, पात्र शेतकऱ्यांच्या खात्यात वर्षातून २००० रुपयांचे तीन हप्ते हस्तांतरित केले जातात. या शेतकऱ्यांना दरवर्षी सरकारकडून ६००० रुपये मिळतात.

या योजनेचा कोणते शेतकरी हा लाभ घेऊ शकतात?

१- भारतीय नागरिक असणे आवश्यक आहे.

२- शेती असणे आवश्यक आहे.

३- लहान किंवा सीमांत शेतकरी असावा.

४- १०,००० रुपयांपेक्षा जास्त निवृत्ती वेतन मिळत नसावे.

५- आयकर भरत नसणारे शेतकरी

पंतप्रधान किसान सन्मान निधीसाठी अर्ज कसा करायचा

१- सर्वप्रथम https://pmkisan.gov.in वर जा

२- नवीन शेतकरी नोंदणीवर क्लिक करा.

३- तुमचा आधार क्रमांक आणि कॅप्चा लिहा.

४- तपशील भरल्यानंतर, YES वर क्लिक करा.

५- संपूर्ण फॉर्म भरा आणि नंतर सबमिट करा वर क्लिक करा.

कोणत्याही मदतीसाठी किंवा तक्रारीसाठी, पंतप्रधान किसानच्या हेल्पलाइन क्रमांक १५५२६१ किंवा ०११-२४३३००६०६ वर कॉल करा.