भाजप नेत्या नुपूर शर्मा यांनी प्रेषित मोहम्मद यांच्याबाबत वादग्रस्त वक्तव्य केले होते. यामूळे देशभरात गेले काही दिवस जोरदार निदर्शने सुरू आहेत. यामध्ये उत्तर प्रदेश, दिल्ली, कर्नाटक, बंगालमधील अनेक शहरांमध्ये लोक रस्त्यावर उतरल्याचं चित्र आहे. तसेच आज देशातील अनेक शहरात हिंसाचाऱाच्या घटना घडल्या आहेत. तर नुपूर शर्मा यांना धमक्या ही देण्याचे प्रकार सुरु आहेत. ( Offensive video made on Nupur Sharma; One arrested in Kashmir Valley )

काश्मीर खोऱ्यातील एकाने नुपूर शर्मांवर आक्षेपार्ह व्हिडिओ बनवल्याने पोलीसांनी त्याला ताब्यात घेतल्याची माहिती समोर आली आहे. काश्मीर खोऱ्यातील युट्युबर फैजल वाणीने नुपूर शर्मांबद्दल एक आक्षेपार्ह व्हिडिओ सोशल मीडियावर शेअर केला होता. मात्र, वाद वाढल्यानंतर फैजलने तो व्हिडिओ काढून टाकला. या व्हिडिओनंतर फैजलला अटक करण्यात आली असून त्याने माफीही मागितली आहे.

या यूट्यूबर अपलोड केल्यानंतर फैजल वाणी पोलिसांच्या रडारवर आला आहे. पोलिसांनी फैजलला अटक केली आहे. कारवाईनंतर घाबरलेल्या फैजलने तत्काळ माफी मागितली. आपल्या स्पष्टीकरणात फैसलने सांगितले की, चुकून त्याने हा व्हिडिओ बनवला आणि माझ्यामुळे जर कोणाचे मन दुखावले गेले असेल तर मला माफ करा, असेही तो म्हणाला.

फैसल वानी हा यूट्यूब चॅनल चालवतो. त्याने जून 2020 मध्ये हे यूट्यूब चॅनल सुरू केले होते शिवाय फैसल वाणी फेसबुक आणि इंस्टाग्रामवरही सक्रिय असून त्याचे हजारो फॉलोअर्स आहेत. आतात्याने हा व्हिडिओ तातडीने काढून टाकला आहे.