Madhya Pradesh Crime: मध्य प्रदेशातील छतरपूरमध्ये एक धक्कादायक घटना समोर आली आहे. रामकथेचं आयोजन करणं एका जोडप्याला चांगलंचं महागात पडलं. कथावाचकाचा पट्टशिष्य यजमान व्यक्तीची बायको घेऊन फरार झाला.

याप्रकरणी पीडित पतीने कोतवाली पोलिस ठाण्यात तक्रार दाखल केली आहे. पोलिसांनी हरवल्याची नोंद केली. पोलिस सूत्रांनी सांगितले की, तक्रारदाराची पत्नी सापडल्यानंतर महिनाभरानंतर पोलिसांनी तिला पोलिस ठाण्यात बोलावून तिचे म्हणणे नोंदवले.

यादरम्यान महिलेने (Woman) पतीसोबत जाण्यास नकार दिला. चित्रकूट धामचे धीरेंद्र आचार्य यांचे शिष्य नरोत्तम दास दुबे यांच्यासोबत राहण्याविषयी तिने सांगितले.

मिळालेल्या माहितीनुसार, 2021 मध्ये महिलेचा पती राहुल तिवारी याने गौरीशंकर मंदिरात रामकथेचे आयोजन केले होते, तेव्हा दोघांमध्ये जवळीकता वाढली होती.

चित्रकूटचे कथाकार धीरेंद्र आचार्य यांना कथा वाचनासाठी आमंत्रित करण्यात आले होते. आचार्य धीरेंद्र यांच्यासोबत त्यांचे शिष्य नरोत्तम दास दुबे हेही रामकथेला पोहोचले.

पीडित व्यक्तीने पोलिसांकडे दिलेल्या तक्रारीत म्हटले आहे की, कथेदरम्यान नरोत्तम दास दुबे याने पत्नीला प्रेमाच्या जाळ्यात अडकवले.

यानंतर, दोघांमध्ये एकमेकांच्या मोबाईल नंबरची देवाणघेवाण झाली. दोघे एकमेकांशी बोलू लागले. दरम्यान, 5 एप्रिल रोजी नरोत्तम दास पत्नीसह फरार झाला.

छतरपूरचे एसपी अमित सांघी यांनी या घटनेची माहिती दिली. त्यांनी सांगितले की, वादामुळे महिलेला पतीसोबत राहायचे नव्हते. अशा वेळी एकही केस निघत नाही. तरीही पोलीस (Police) या संपूर्ण प्रकरणाचा तपास करत आहेत.