Family in Delhi Suffocate: दिल्लीमध्ये 6 लोकांचा गुदमरुन मृत्यू झाला आहे. नॉर्थ ईस्ट दिल्लीच्या शास्त्री पार्कमधील एका कुटुंबातील 8 पैकी 6 लोकांचा गुरुवारी रात्री मृत्यू झाला आहे.

मिळालेल्या माहितीनुसार, मच्छर मारण्यासाठी वापरण्यात येणाऱ्या मॉर्टीन कॉइलमुळे या कुटुंबाचा गुदमरुन मृत्यू झाला आहे. या घटनेने लोकांना धक्का बसला आहे.

दरम्यान, डासांमुळे होणाऱ्या मलेरिया, डेंग्यू या आजारांपासून वाचण्यासाठी लोक बाजारात मिळणारे अनेक प्रोडक्ट वापरत असतात.

मॉर्टिन हे सामान्यपणे सगळीकडे वापरले जाते. त्यामुळे एकाच कुटुंबातील 6 जणांचा मृत्यू झाल्याने लोकांमध्ये भीतीचे वातावरण निर्माण झाले आहे. याबरोबरच या मृत्यूपाठीमागे इतर काही कारण आहे का याचा अधिक तपास पोलिस( Police ) करत आहेत.