राज्यात पावसासाठी पोषक हवामान सुरु होत असल्याने शनिवारपासून विदर्भ, मध्य महाराष्ट्र, मराठवाड्यात विजा मेघगर्जनेसह मुसळधार पावसाची (Rain)शक्यता आहे. कोकणात तुरळक ठिकाणी जोरदार पावस पडण्याची शक्यता आहे असा इशाराही हवामान खात्याने दिला आहे.

बिहार आणि परिसरावर हवेचे कमी दाबाचे क्षेत्र सक्रिय आहे. पूर्वेकडून वारे वाहत आहेत त्यामुळे वाऱ्यामुळे बंगालच्या उपसागराकडून तामिळनाडू च्या किनाऱ्यापर्यंत कमी दाबाचा हवेचा पट्टा तयार झाला आहे. त्यामुळे पावसाला पोषक वातावरण तयार झाले आहे.

कोकणातील ठाणे आणि रायगड जिल्ह्यात तुरळक ठिकाणी मुसळधार पाऊस पडण्याची शक्यता आहे. उर्वरित राज्यात मुख्यतः कोरडे हवामान होते.

‘शाहीन’ चक्रीवादळ जाणार ओमानकडे:

अरबी समुद्रात कमी दाबाची तिव्रता वाढून ‘शाहीन’ चक्रीवादळाची निर्मिती झाली आहे. हे चक्रीवादळ मकरान किनाऱ्याकडे (shore)जाऊन त्याची दिशा बदलून ओमानकडे जाण्याचे चिन्हे आहेत. भारताच्या किनाऱ्यापासून दूर गेलेल्या या प्रणालीमुळे महाराष्ट्राला (Maharashtra)कोणताही धोका नाही.

बंगालच्या उपसागरात गुलाब चक्रीवादळ तयार झाले आहे. त्यातून आंध्रप्रदेश, तेलंगाणा, महाराष्ट्राच्या मराठवाडा, उत्तर महाराष्ट्रातून गुजरातमधून (Gujarat)अरबी समुद्रात गेल्यानंतर त्याचे पुन्हा चक्रीवादळात रुपांतरण झाले आहे. शुक्रवारी दुपारी ही वादळी प्रणाली देवभूमी द्वारिकेच्या पश्चिमेकडे 440 किलोमीटर, इराणच्या चाबहार बंदरापासून पूर्वेकडे तर 490 किलोमीटर तर ओमानच्या मस्कतपासून 660 किलोमीटर अग्नेयेकडे अरबी समुद्रात आहेत.

मॉन्सून लवकरच परतीवर:

अरबी समुद्रातील शाहीन चक्रीवादळ कमी झाल्यानंतर मंगळवार नंतर देशाच्या वायव्य भागात वाऱ्याची दिशा बदलण्याची शक्यता आहे. आर्द्रतेती टक्केवारी कमी होण्याचे संकेत आहे. या भागात मुख्यतः कोरडे हवामान होणार असल्याने बुधवारपासून मॉन्सून परतीच्या प्रवासाला पोषक हवामान तयार होईल असे हवामान विभागाकडून (Meteorological Department)सांगण्यात आले आहे.